Tswv Qhia Pos hais tias “Kev tawm rooj ua ke yog tus yawm sij tseem ceeb. Tsis yog lwm txoj kev ntseeg, tab sis yog txoj kev ntseeg uas nyob ze peb”
Tswv Qhia Simon Poh nyob Kuching, kom txhawb nqa kev sib tham thiab kev sib koom tes hauv kev ntseeg tiag tiag. Thiaj thov nqua hu kom lub Koom Txoos nyob As Xias tawm rooj ua ke thiab saib txhua txoj kev ntseeg hauv xeev ntuj no, tsis yog lwm txoj kev ntseeg, tab sis yog txoj kev ntseeg nyob ze peb.
Tswv Qhia Simon Poh uas nws yog tus thawj lub pwm tsav cov Tswv Qhia Kav Tos Liv nyob Mas Les Xias, hais cov lus tseem ceeb hauv hnub 2 ntawm kev fiv ntuj kev cia siab hauv hnub tim 28 lub 11 hlis 2025, uas npaj nyob Penang hauv Mas Les Xias teb. Hauv kev sib tham uas muaj lub ntsiab lus tias : “Kev tawm rooj ntawm tsoom neeg ntseeg nyob As Xias.” Tswv Qhia tau qhib kev sib tham nthuav dav hais txog ntau yam nyob As Xias. Yog lub Koom Txoos lub suab hu thiab txoj kev mus txog yav tom ntej hauv kev cia siab thiab lub rooj sau siab loj. Tswv Qhia Poh pib nyob hauv thawj yam hauv kev sau siab uas yog lub Cim Yug thiab tus yam ntxwv ua ke. Nyob hauv lub caij cav txog Tswv Ntuj cov txiaj ntsim no, tsim nyog peb yuav nyob ua ke nrog tsoom pej xeem As Xias. Nws tau hais nyob zoo rau cov Tswv Qhia, cov Txiv Plig, cov thawj coj thiab cov sawv cev cov neeg ntseeg. Nws cov lus yog tau txais lub hwj chim tuaj ntawm Bangkok, hauv kev sau siab ntawm cov neeg ntseeg zaum tim 15, uas yog lub pwm tsav cov Tswv Qhia nyob As Xias los yog FABC hauv xyoo 2023.
Nws tau piav tias : “Nov yog lub hom phiaj coj kev ntawm lub Koom Txoos nyob As Xias zim txwv no. “As Xias muaj nyob Mas Les Xias.” Nws hais tias cov neeg Suav, neeg Is Ntias, neeg Mas Les Xias, cov neeg nyob txawm thiab txhua txoj kev teev hawm nyob ua ke tau li cas ? Tej yam sib txawv no ua kom pom nyob hauv Is Ntos Nes Xias, Xees Cas Pos thiab Borneo. Ua kom kev ua lub neej niaj hnub ntawm cov neeg ntseeg, uas yog neeg Mas Les Xias tau ua pov thawj thiab ua tub txib.” Nov yog qhov kuv ntsia pom, thiab nws hais ntxiv tias : “Peb mus ua ke hauv kev sib haum xeeb.”
Kev tawm rooj hauv kev sib nkag siab.
Tswv Qhia hais tias kev fiv ntuj yog lub caij uas lub Koom Txoos yuav tau pom, tau mloog thiab ntsia pom lub Cim hauv lub caij nyoog. Xws li cov kws txuj sab hnub tuaj nrhiav Yes Xus. Tsoom pej xeem nyob As Xias raug hu kom nyeem lub Cim, tuav xam nrog nyias cov neeg thiab ua raws kev coj ntawm Leej Ntuj Plig Ntshiab nyob hauv Bangkok tej ntaub ntawv. Hais txog qhov tseeb uas tseem ceeb thiab yug cov neeg nyob As Xias zim txwv no. Xws li kev cuam tshuam uas tseem nyob hauv kev sib kis loj, kev hloov mus rau Digital, kev vam meej hauv cov nroog, kev tsiv teb tsaws chaw, kev chim siab hauv kev saib xyuas, teeb meem ntawm cov neeg ntseeg hauv cov haiv neeg tsawg, kev txhawj xeeb ntawm cov tub ntxhais hluas, thiab kev pauv ntxeev hauv tej kab lis kev cai. Teeb meem ntawm txhua yam muaj txoj sia thiab ntau yam sib txawv hauv kev ntseeg. Nws hais tias tej kev txhawj xeeb no, tseem yog lub sij hawm tshiab hauv kev ua tub txib thiab. Tus txwm ntawv Suav uas txhais tias “kev kub ntxhov”, txaus ntshai nrog lub sij hawm, ua kom peb nrhiav lub caij nyoog.
Nws siv lub tswv yim hauv See-Judge-Act raws li tus piv txwv ntawm YCS, kom tau txhib cov neeg tuaj sib koom xav txog tej yam tseeb no nyob hauv lub txiaj ntsim. Thiab teb nyob hauv lub tswv yim txhim kho thiab muaj peev xwm.
Nws hais tias : “Peb mloog thiab nkag siab txog yam uas Leej Ntuj Plig tab tom hais rau lub Koom Txoos nyob As Xias.”
Kev sib tham.
Tswv Qhia Poh tau txhib txog kev sib tham hauv 3 nqe lus uas FABC pom tias yog qhov tseem ceeb txij xyoo 1990 los. Xws li kev sib tham nrog lwm cov kev teev hawm, kev sib tham nrog tej kab lis kev cai, thiab kev sib tham nrog cov neeg pluag txom nyem nyob As Xias xws li yog nws yug.
Txhua txoj kev teev hawm nyob thoob ntiaj teb, thiab yog xeev ntuj uas muaj ntau yam kab lis kev cai thiab kev pluag txom nyem dav, ua rau kev sib tham 3 nqe lus no rais ua thawj yam tseem ceeb nyob hauv lub Koom Txoos. Txawm li cas kuj xij, zim txwv no kev sib tham yuav nthuav dav kom mus txog cov tub ntxhais hluas, cov poj niam, kev txhim kho, cov neeg tsiv teb tsaws chaw thiab cov neeg thoj nam.
Cov kws Technology, cov neeg raug muag, cov tuag tes tuag taw thiab cov uas lawv tab tom tiv tus kab mob siab ntsws, los yog quav yeeb quav tshuaj. Txhua tus yuav tawm suab nyob hauv lub rooj sau siab txoj kev.
Lub pwm tsav Synodality
Tswv Qhia Poh hais tias Synodality tsis yog Technical, tab sis yog lub neej uas swm nrog As Xias tej kab lis kev cai. Yog lub tswv yim hauv kev mloog, kev sib koom lees txais thiab kev sib koom tes hauv ntau yam. Hauv lub Koom Txoos, Synodality yog hais txog cov Tswv Qhia, cov Txiv Plig thiab cov neeg ntseeg. Cov uas muaj kev xyuam xim nyob rawv ntawm ib sab thiab sib koom mloog nyob hauv Leej Ntuj Plig Ntshiab. Dhau ntawm lub Koom Txoos sab nraud lawm. Synodality tawm mus sab nraud, tawm rooj nrog cov neeg ntseeg thiab lwm tus thiab sib koom tes nrog lwm cov kev teev hawm. Thiab muab siab rau txog kev txhim kho nyob As Xias teb uas muaj ntau txoj kev teev hawm. Tswv Qhia Poh hais ntxiv tias ; nov yog ib feem ntawm lub neej niaj hnub. Kev tawm rooj ua ke yog hais txog tsim kom muaj phooj ywg, txhawb nqa kev thaj yeeb thiab kev sib koom tes. Kev teb tej kev txhawj xeeb hauv zej zog thiab yam muaj txoj sia hauv kev sib koom saib xyuas ua ke.
Cov txheeb ze.
Tswv Qhia pom tias ; ib qho nyob hauv cov lus hais tseem ceeb ntawm FABC. Yog kev siv lo lus tias ‘txoj kev ntseeg nyob ze yus’ hloov ua ‘tus tsis yog neeg ntseeg’ los yog lwm txoj kev teev hawm’. Kev pauv ntxeev no ua kom pom txog yam uas cov neeg As Xias tau ntsib tau pom hauv kev noj mov ua ke, kev phooj ywg, hauv cov ntees thiab hauv lub neej niaj hnub. Qhov no hloov peb lub tswv yim thiab peb tus yam ntxwv. Nws hais tias : “Peb ua sib pub xws li cov neeg txheeb ze.”
Thaum txog xyoo 2033.
Saib mus rau yav tom ntej, Tswv Qhia thov kom lub Koom Txoos nyob As Xias npaj txhij rau xyoo 2033. Yog lub hnub nyoog txwm 2,000 xyoo ntawm kev sawv rov los. “Peb yuav pub paj tshab dab tsi rau Tswv Ntuj ?”
Nws nug thiab hu 7 xyoo tom ntej tias : “Yog lub caij nyoog hauv kev txhim kho thiab tawm rooj ua ke.”
Nws txhib cov sawv cev tias ; As Xias teb yog ‘tsoom tub ntxhais hluas daim av.’ Vim muaj tsoom tub ntxhais hluas nyob thoob ntiaj teb li ntawm 60 feem pua txhawb nqa cov yim neeg, txhawb nqa kev kawm ntawv, txhawb nqa kev tsim tus coj thiab txhawb nqa kev muaj feem cuam sib koom tes ntawm cov tub ntxhais hluas. Yog qhov tseem ceeb rau lub Koom Txoos yav tom ntej.
Qhov kawg, nws hais txog Vaj Qhia Zam Paj Lug Ob cov lus tias : “Nej sawv daws yog Tswv Ntuj zim txwv no.” Nws hais ntxiv tias : “Cov tub ntxhais hluas” tsis yog yav tom ntej xwb, tab sis lawv yog cov ris As Xias lub noob ntawm txoj sia ntshiab zim txwv no nyob hauv lawv.”
