Thawj ob tug Txiv Plig Redemptorist txais lub Cim Tiag Tes, yog yam tshiab ntawm lub Koom Txoos nyob Los Tsuas teb
Lub Koom Txoos nyob Los Tsuas teb muaj dua ib qho liv xwm tshiab, yog thawj ob tug Txiv Plig ntawm lub Koom Haum Redemptorist txais lub Cim Tiag Tes ua Txiv Plig. Yog lub Cim hauv kev loj hlob ntsiag ntsiag, tab sis muaj ua ntu zus nyob hauv cov neeg ntseeg tsawg tsawg nyob As Xias toob fab naj. Nyob hauv cov kab ke tsa Txiv Plig tshiab, muaj Tswv Qhia Zam Mab Liab Vias Nes Prida Inthirath, tus sawv cev Vaj Qhia nyob nroog Savannakhet-Khammouane ua tus coj lub Txoos. Nws yog tus ua cov kab ke tiag tes thiab foom hmoov zoo. Kev tsuj xeeb tsa Txiv Plig tshiab zaum no, muaj cov Txiv Plig thiab cov neeg ntseeg nyob thoob Los Tsuas teb thiab nyob Thaib toob fab pej tuaj sib koom ua ke. Thiab kuj muaj cov sawv cev txhua fab hauj lwm thiab cov thawj coj kev teev hawm tuaj koom nrog thiab. Ob tug Txiv Plig nyuam qhuav tau txais lub Cim Tiag Tes no, yog zwm rau lub Koom Haum Redemptorist nyob Thaib teb. Yog qhov chaw uas nkawd tau mus kawm ua Txiv Plig. Nkawd txoj kev txais lub Cim Tiag Tes, yog kauj ruam tseem ceeb ntawm lub Koom Txoos nyob Los Tsuas teb. Kev txhawb nqa thiab kev txhim kho cov xav ua Tswv Ntuj tub txib nyob hauv zej zog ntawd, yog qhov tseem ceeb ntawm lub Koom Txoos yav tom ntej.
