Lub Koom Txoos Fis Lis Pees zoo siab rau kev tshaj cov ntaub ntawv pauj kev piam sij los ntawm kev khawb qhov ntxhia.
Lub pwm tsav ntawm txhua yam nyob ib puag ncig thiab tej hav zoov nroj tsuag tau xa cov ntaub ntawv li hais no mus rau tus kws lij choj Amelthon Sampayo uas yog tus tuav xam thiab Txiv Plig J Madla tus sawv cev ntawm txhua yam nyob ib puag ncig nyob Marinduque lawm. Tswv Qhia Panergo nyob Boac hais txog ntawm cov ntaub ntawv tias : “Yog kauj ruam tseem ceeb ntawm kev ncaj ncees thiab txoj cai.” Hais txog cov pej xeem uas tiv kev txom nyem los ntawm lawv poob txhua yam nyob ib puag ncig hauv kev khawb qhov ntxhia los ntau tiam neeg. Nws hais tias : “Peb tau txais tsab ntawv no hauv kev ua tsaug thiab kev cia siab. Nov tsis yog tej ntaub ntawv txoj cai xwb, tab sis yog pov thawj hauv kev ncaj ncees.” Thiab nws hais ntxiv tias ; tsab ntawv no lees paub txog kev txom nyem ntawm cov neeg nyob txawm thiab lawv txoj cai uas muaj txhua yam nyob ib puag ncig nyab xeeb thiab noj qab nyob zoo. Kev tshaj tawm hais txog qhov no tshwm sim tom qab kev sib koom thov Ntuj hnub tim 28 lub 9 hlis tag los, nyob hauv lub tsev hais plaub ntug hauv lub xeev Marinduque uas cov neeg nyob txawm, cov thawj coj kev teev hawm thiab pab neeg txuag txhua yam nyob ib puag ncig thov kom tseem hwv ua cov hauj lwm no ua ntej yuav txog hnub kawg uas yog hnub tim 4 lub 10 hli. Yog hnub hais txog kev sib cog lus ntawm cov lus no.
Kev piam sij ntawm txhua yam nyob ib puag ncig uas tshwm sim los ntau caum xyoo.
Cov lus hais tias yuav pauj no yuav muab 100 plhom US dos las los pauj nyob hauv 3 xyoos. Hais txog kev taij thov thiab lwm pab neeg kev piam sij hauv txhua yam nyob ib puag ncig uas tshwm sim los ntawm cov qhov ntxhia. Lub xeev Marinduque raug kev kub ntxhov los ntawm kev khawb qhov ntxhia ntev dua 30 xyoo. Yog txij xyoo 1993 los lawm. Kev piam sij ua kom muaj dej nyab loj nyob hauv lub nroog Mogpog thiab ua rau cov me nyuam yaus tuag 2 leeg hauv xyoo 1996. Kev piam sij rov ua xwm txheej dua, yog tso cov txo ntxhia mus rau tus niam dej Boac. Lub Cheeb Koom Txoos thiab MACEC hais tias : cov pej xeem uas tau txais kev kub ntxhov los ntawm ntuj nrhiav kev ncaj ncees los tau 30 tawm xyoo lawm, lawv tej lus thov thiab tej lus kom tseem nyob hauv kev tuav xam ntawm lub tsev hais plaub.
Dhau no lawm tseem muaj kev txhawj xeeb txog cov qhov ntxhia uas raug tso pov tseg. Cov neeg ua hauj lwm hauv thaj tsam pom tias ; cov qhov ntxhia ntawd nphob dua lub pas tauv cov txo Maguila-guila thiab txhawj tias tsam muaj qhov av saus. Kev tshawb pom li no ua kom muaj kev ntxhov siab txog lwm cov tsev khawb qhov ntxhia uas raug tso pov tseg, nrog rau cov qhov ntxhia Tapian.
Thov kom muaj kev txhim kho thiab kev lees txais.
Lub Cheeb Koom Txoos thiab MACEC thov kom muaj kev txo kev ntshai thiab txhim kho txhua yam nyob ib puag ncig tam sid. Lawv thov kom cov tseem hwv nrog soj ntsuam kom paub tseeb tias cov nyiaj pauj yuav raug coj mus siv rau kev txhim kho tiag, uas yog txhim kho zej zog xwb. Thiab pab tiv thaiv kev tsis ncaj ncees ntawm cov nom los yog lwm pab tub tseev tsim. Lawv tseem thov kom cov neeg nyob txum tim uas tau txais kev kub ntxhov, cov neeg kom qub, cov sawv cev lub Koom Txoos thiab pab neeg txuag txhua yam nyob ib puag ncig ncaj qha txhim kho kom txhua thiab teeb tus quav hais txog peev nyiaj txiag. Tswv Qhia Panergo hais tias : “Kev sib koom thov Ntuj hnub tim 28 lub 9 hlis, ua kom pom txog kev sib koom siab ntawm cov neeg Marinduque hauv kev nrhiav kev ncaj ncees fab txhua yam nyob ib puag ncig ua ntu zus. Nws hais tias : “Nod tsis yog qhov xaus ntawm peb txoj kev tiv, tab sis yog kev cog lus tshiab kom ntseeg tias kev ncaj ncees yuav ntws zoo li tus niam dej, ntshiab huv, pub txoj sia thiab nkag mus txog txhua leej.”
MACEC cog lus tias ; yuav muab kev txhawb nqa fab kev tshawb fawb, txoj cai thiab kev ncaj ncees ntxiv mus, uas hais tias kev sib txuas lus nrog tseem hwv yog qhov tseem ceeb. Tab sis kev txhim kho txhua yam nyob ib puag ncig, kev lees paub nyob ntawm tsoom sid xub ntiag thiab kev muaj feem cuam ntawm zej zog tseem yog qhov cheem tsum hauv kev daws teeb meem uas tshwm sim los ntawm cov qhov ntxhia los ntev nyob Marinduque.
