Lub Koom Txoos Kav Tos Liv nyob Los Tsuas teb, tab tom pib nkag mus rau txheej tshiab hauv kev ua tus coj. Los ntawm cov neeg txheej tshiab xws li cov Tswv Qhia, cov Txiv Plig thiab cov neeg ntseeg uas muaj kev lees txais zuj zus. Yog kev cia siab ntawm lub Koom Txoos. Tab txawm yuav ntsib teeb meem hauv kev tseev tsim thiab zej zog kuj xij. Txiv Plig Enrique Figaredo uas nws yog tus thawj coj cov Tswv Qhia nyob Los Tsuas teb thiab Khas Phus Chas teb (CELAC) hais rau Vas Tis Kas lub rooj ntawv xov xwm Fides tias : “Kev pauv ntxeev no yog kev pib ‘qhov tshiab.” Thaum cov laus uas coj lub Koom Txoos, xws li Tswv Qhia Ling maj mam txav nrug deb ntawm kev tshaj lub Moo Zoo uas tab tom sib tw. Tab txawm cov neeg ntseeg muaj tsawg dua 1 feem pua ntawm tsoom pej xeem Los Tsuas, tsis kav lub Koom Txoos tseem ua hauj lwm rau cov neeg nyob deb nroog los ntawm 50 tus Txiv Plig, 3 tug Tswv Qhia, cov Leej Phauj thiab cov xib hwb.” Txiv Plig Figaredo hais txog cov hauj lwm uas txhab ntau zuj zus hauv cov neeg ntseeg. Zim txwv no muaj qhov tseem ceeb yog lub neej hauv tsev teev Ntuj, kev qhia kev ntseeg thiab kev qhuab qhia hauv cov tub tshaj Ntuj lus. Muaj cov Txiv Plig tshiab uas tau txais kev qhuab qhia nyob hauv lub teb chaws thiab nyob txawv teb chaws. Tab txawm cov tseem hwv muaj qhov txwv nruj nruj txog kev ntseeg, thiab txwv kev thov qhia kev ntseeg raug cai hauv tej zej zog, tsis kav lub Koom Txoos kuj tseem loj hlob ntxiv mus nyob hauv kev txais lub Cim Ntxuav, lub suab hu thiab kev hloov siab. Txiv Plig Figaredo hais tias ; qhov uas muaj cov Txiv Plig tshiab thiab pib tshaj lub Moo Zoo, ua kom pom txog qhov muaj zog ntawm lub Koom Txoos Los Tsuas. Vim nws tseem tshais ruam ntxiv mus hauv kev ua tiag nyiaj thiab maj mam tshais ib kauj ruam zuj zus, thiab ncaj ncees rau nyias cov hauj lwm.
