Lub Koom Haum Pis Las tau teeb tsa ib lub koob tsheej kev teev hawm nyob Nkos As

Hnub tim 1 lub 5 hlis tas los, nyob Is Ntias teb, cov Txiv Plig Pis Las tau tsa ib lub koob tsheej kev teev hawm nyob Nkos As uas nyob Is Ntias xib fab naj, muaj lub npe tias “Qhov zoo nkauj hauv zej zog.”  

Kev sib sau hnub no, muaj cov tuaj koom ntawm txhua txoj kev teev hawm tuaj, kom tau txhawb nqa kev sib tham thiab ua kev nkag siab ua ke hauv tej kab lis kev cai, kev thov Ntuj, paj nruag thiab kev sib tham. Cov hauj lwm no yog lub koom haum Pis Las ua los kom muaj feem cuam hauv kev ntseeg thiab kev sib haum xeeb hauv zej zog. Txiv Plig Elvis Fernandes tus tuav cov hauj lwm hais tias “Cov hauj lwm no yog txhawb nqa kev sib nkag siab ntawm cov kev teev hawm thiab kev sib raug zoo ntawm txhua lub zej zog.” 

Lub koob tsheej no muaj cov sawv cev ntawm txhua txoj kab lis kev cai thiab txhua txoj kev teev hawm tuaj koom, kom cov tuaj koom tau xav txog tej kab lis kev cai tseem ceeb nyob hauv txhua txoj kev ntseeg.