Ib tug Tswv Qhia Kav Tos Liv hais tias cov neeg ntseeg nyob As Xias teb yuav tsis txhob sib tawg
Nyob hauv lub lis piam tas los, lub rooj xov xwm UCANEWS tso tawm tus Tuam Tswv Qhia Mas Tshas Dos (Archbishop Felix Anthony Machado) uas nws yog neeg Is Ntias cov lus hais nyob hauv lub rooj sab laj ‘Cov neeg ntseeg nyob As Xias. Lub Koom Txoos yav tom ntej thiab cov neeg ntseeg uas tab tom tshwm sim’ nyob Tsheej Maim hauv Thaib teb tias “Cov neeg ntseeg nyob As Xias teb tsis tsim nyog yuav sib tawg, vim muaj ntau txoj kev ntseeg thiab tej kev txhawj xeeb nyob hauv xeev ntuj no.”
Nws hais ntxiv tias “Lub Rooj Ncauj Lus kev sab laj thiab cov neeg ntseeg tsis yog qhov yuav sib cais tsis tau hauv lub Koom Txoos cov hauj lwm.” Nws hais txog lub Rooj Ncauj Lus lub rooj sab laj hauv xyoo 2024 tias “Cov neeg ntseeg muaj tus yam ntxwv sib koom ua ke hauv lub Cim Ntxuav, uas qhia kom lawv saib kev sib luag yog qhov tseem ceeb dua.”
Tswv Qhia Mas Tshas Dos txhib kom txhua lub Cheeb Koom Txoos muab siab rau sib tham, sib haum xeeb thiab ua pov thawj ua ke nyob hauv kev teev Ntuj, kev ua tub txib thiab kev sib koom tes. Tab txawm muaj qhov lees tias kev ntseeg muaj tej yam sib txawv, tsis kav nws zoo siab txog kev vam meej thiab kev sib raug zoo ntawm txhua txoj kev teev hawm. Thiab txhib tias kev sib luag ntawm cov neeg ntseeg, yog qhov tsim nyog ntawm kev ua pov thawj uas txaus ntseeg nyob hauv lub Moo Zoo nyob As Xias teb.
