Hnub txwm ib xyoos ntawm pab neeg Synodal nyob Los Mas, Vaj Qhia Leo 14 thov kom muaj “cov tsev teev Ntuj ua neeg me, kom tau ntxuav ib zeej tsoom neeg ko taw.”

Vas Tis Kas ua tswv cuab hauv kev tsuj xeeb txwm xyoo ntawm pab neeg Synodal thiab cov Koom Haum uas muaj feem cuam nrog. Yog kev sib sau thawj zaug uas muab cov Tswv Qhia As Xias tsab ntawv Synodal hauv lub rooj sab laj zaum tim 16, los ua tiag tiag. Kev tsuj xeeb no yog lub pwm tsav cov Tswv Qhia npaj 3 hnub nyob hauv lub 10 hli. Muaj cov Txiv Plig, cov thawj coj kev ntseeg thiab cov neeg ntseeg nyob thoob ntiaj teb 1,000 tawm leej tuaj sib sau tuav xam txog kev sib tham, kev muaj feem cuam thiab kev rov xav txog. Nyob Thaib teb, muaj 7 leej sawv cev mus koom lub rooj sab laj. Xws li 3 tug Txiv Plig, ib tug Leej Phauj thiab 3 tus neeg ntseeg. 

Lub rooj sab laj xaus rau lub thaj txi Ntuj ntshiab, uas yog Vaj Qhia Leo 14 ua tus coj lub Txoos nyob hauv lub tsev teev Ntuj hwm Leej Ntshiab Pob Zeb. Hauv Vaj Qhia cov lus qhuab qhia, yog txhib kom pab neeg Synodal coj raws li kev tuav xam uas sau tseg nyob hauv Synodal tsab ntawv kawg.