Cov thawj coj kev ntseeg qhuas txog lub txiaj kev thaj yeeb uas Vaj Qhia Leo tau txais tias ; yog lub meej mom uas tsim nyog

Lub thaj txi Ntuj hnub tim 3 lub 7 hli no, nyob hauv lub tsev txoj cai teb chaws nyob Philadelphia, cov thawj coj ntawm ntau txoj kev ntseeg tau ua ke tos txais lub meej mom no. Yog muab rau thawj tug Vaj Qhia As Mes Lis Kas uas tshwm sim nyob Vas Tis Kas lub 4 hlis tsaib no. Lub txiaj kev thaj yeeb pib muaj nyob hauv xyoo 1988 thiab muab rau tus neeg los yog cov Koom Haum txhawb nqa kev thaj yeeb nyob thoob ntiaj teb. Cov lus hauv Video Vaj Qhia Leo hais tias : “Kev thaj yeeb hauv kev ntseeg, tus cag yog los ntawm lub meej mom uas Tswv Ntuj muab rau txhua tus neeg. Thiab thov kom As Mes Lis Kas teb txhawb nqa lub meej mom hauv kev thaj thaj yeeb thiab kev muaj vaj huam sib luag.” Tswv Qhia Nelson J. Pérez hais tias :

“Vaj Qhia cov hauj lwm ib txwm txhawb nqa neeg lub meej mom thiab kev thaj yeeb.”

Cov thawj coj lwm txoj kev teev hawm kuj tau hais txog Vaj Qhia tsab ntawv. Lawv hais tias kev thaj yeeb hauv kev ntseeg txhawb nqa kev ncaj ncees, kev nyob ua ke kaj siab lug thiab pab cov neeg tsis muaj zog. Tom qab xaus lub thaj txi Ntuj, Tswv Qhia Perez hais tias : “Vaj Qhia Leo qhov pov thawj, txhawb kom neeg ua neej nrog lub meej mom, sib hwm thiab sib pom dej siab.”