Xov Xwm Koom Txoos

Cov kav xwm npaj uas cov tub ntxhais hluas hnub nyob ntiaj teb hauv lub nroog Xes Us, npaj kom muaj kev sib tw sau nkauj teev Ntuj nyob thoob ntiaj teb

Default User Image
By Hmong Service, 13 June, 2026
Vaj Qhia Les Os 14 tab tom tsa tes rau cov neeg Kos Lim Naj tuaj koom lub Txoos Txi Ntuj kaw cov tub ntxhais hluas hnub nyob ntawm lub tsev kawm ntawv txheej siab nyob Los Mas hauv xyoo 2025 lub 8 hli tim 3.

Lub rooj xov xwm Rooj Tswv Qhia nyob Fis Lis Pees teb los yog CBCP tshaj tawm nyob hauv hnub tim 9 lub 5 hlis tag los tias cov kav xwm uas npaj cov tub ntxhais hluas hnub los yog WYD nyob Xes Us xyoo 2027 tau npaj kom muaj kev sib tw sau nkauj teev Ntuj nyob thoob ntiaj teb. Lawv caw cov tub paj nruag hluas hluas nyob thoob ntiaj teb tuaj, kom tau ntaus paj nruag rau kev sib tw hauv cov tub ntxhais hluas hnub. Kev sib tw no xav tau cov nkauj teev Ntuj qhia txog lub ntsiab hauv kev ntseeg, kev sib koom siab thiab kev tso siab.

Tsis tas li ntawd yuav tsum yog cov nkauj teev Ntuj uas phim rau cov Kav Tos Liv thiab cov tub ntxhais hluas nyob thoob ntiaj teb nyiam. Cov nkauj teev Ntuj uas yuav xa tuaj sib tw yuav tsum siv tau nyob hauv xeem lus Kos Lim thiab lus Aas Kiv xwb.

Cov npaj hauj lwm hais tias tej yam uas siv AI lub tswv yim tsim tawm ua, lawv yuav tsis kam txais. Cov koom kev sib tw yuav tsum xa cov ntawv hneev suab paj nruag, kaw suab thiab daim ntawv zeem tseeb ntawm WYD lub Website los yog Tsev Vas ua ntej hnub tim 30 lub 6 hli no. Kev sib tw sau nkauj teev Ntuj no, yog ib feem ntawm kev npaj cov tub ntxhais hluas hnub nyob Xes Us xyoo 2027.

Xav tias yuav rub tau cov hluas Kav Tos Liv tawm rooj fiv Ntuj ntau pua txhiab leej nyob thoob ntiaj teb tuaj koom.