Vaj Qhia Leo 14 mus tsham cov neeg laus. Nws ua thaj txi Ntuj thiab ntsib cov tub tshaj Ntuj Lus nyob As Nkos Las.
Vaj Qhia Leo 14 mus tsham cov neeg laus. Nws ua thaj txi Ntuj thiab ntsib cov tub tshaj Ntuj Lus nyob As Nkos Las.
Hnub tim 20 lub 4 hlis, yog hnub 8 ntawm Vaj Qhia Leo 14 kev mus tsham Africa teb. Nws mus tsham As Nkos Las teb uas ncua kev yuav luag txog 2,000 kis los mev nyob hauv tib hnub. Yog hais raws li Vas Tis Kas tshaj tawm.
Thaum sawv ntxov Vaj Qhia caij dav hlau mus deb li 950 kis los mev, kom tau mus saib cov neeg laus. Lawv tau hu nkauj seev cev tos txais Vaj Qhia. Vaj Qhia hais rau lawv tias : “Cov neeg laus tsis yog tias xav tau kev pab cuam xwb, peb tseem xav tau lawv lub suab thiab.” Vaj Qhia piav tias lawv yog cov theej yam uas nws hu ua ‘kev thoob tsib ntawm tsoom pej xeem.’ Raws li Vas Tis Kas tshaj tawm.
Dhau ntawd Vaj Qhia kuj ua thaj txi Ntuj nyob ze lub tuam tsev teev Ntuj Niam Mab Liab nce mus saum Ntuj. Muaj cov neeg tuaj koom lub thaj txi Ntuj kwv yees 40,000 leej nyob hauv lub loog thiab muaj 20,000 leej nyob sab loog nraud. Tej tus raug tshav ntuj ziab mus txog thaum xaus lub Txoos.
