Vaj Qhia hais tias : kev nyiam kev hlub pub txoj sia thiab kev ruaj khov.
Hnub tim 12 lub 9 hlis 2024 no, muaj cov neeg ntseeg li ntawm 50,000 leej sib sau nyob hauv Xees Cas Pos lub tshav ncaws pov thiab rau txais kev saib xyuas tuav kev ruaj ntseg yam zoo kawg nyob hauv lub thaj txi Ntuj.
Vaj Qhia mus txog hauv lub tshav ncaws pob thaum 16.30 teev, thiab nws hais lus tuav tsoom pej xeem tes nyob ib ncig lub tshav. Thaum 17.15 teev Tswv Qhia thiab cov Txiv Plig nrog tsoom neeg ntseeg ua lub thaj txi Ntuj. Vaj Qhia thov kom tsoom pej xeem thov Ntuj pab Xees Cas Pos teb thiab sib koom ua tsaug ua ke.
Tswv Ntuj pub paj tshab rau Xees Cas Pos teb, kom tsoom neeg ntseeg muaj lub neej zoo, loj hlob thiab muaj kev sib haum xeeb nrog lwm txoj kev teev hawm.
Vaj Qhia Fas Ntshis Kus txhib txog lub zog ntawm kev pauv ntxeev hauv kev nyiam kev hlub. Nws hais tias yog tsis muaj kev nyiam kev hlub, kuj tsis muaj lub neej, tsis muaj lub zog txhawb nqa. Tsis muaj zog ua, tsis muaj zog tsim. Vim kev nyiam kev hlub yog lub zog txhawb nqa kev vam meej thiab kev ua tiav ntawm tib neeg. Kev nyiam kev hlub yeej kev ntxub ntxaug. Kev sib koom tes yeej kev nyob twj ywm tsis quav ntsej. Kev nyiam kev hlub yeej kev muab hlob.
Vaj Qhia hais tias : yog tsis muaj txoj kev nyiam kev hlub no, Xees Cas Pos teb tsis muaj kev loj hlob thiab vam meej ua lub tuam ceeb loj xws li zim txwv no.
Cov neeg tsim tawm yuav tsis sau tawm, cov neeg ua hauj lwm yuav tsis muaj kev txhim thiab tsis muaj dab tsi tshwm sim tuaj.
Vaj Qhia hais tias kev nyiam kev hlub uas peb koom nrog lwm tus, ua kom peb txog kev nyiam kev hlub ntawm Tswv Ntuj. Nws txhib tias txhob cia neeg cov hauj lwm ua tiav ua kom peb ntsia tsis pom tsis pom txhua txoj kev zoo. Ntawd yog kev nyiam kev hlub. Yog tsis muaj kev nyiam kev hlub peb kuj tsis muaj dab tsi kiag. Vaj Qhia thov kom cov neeg ntseeg nco ntsoov vam txog Tswv Ntuj txoj kev nyiam kev hlub los pab lawv lub neej niaj hnub.
