Vaj Qhia Fas Ntshis Kus thov Ntuj rau cov neeg tau txais kev kub ntxhov los ntawm av qeeg nyob Mias Mas teb thiab nyob Thaib teb.

Vaj Qhia Fas Ntshis Kus thov Ntuj rau cov neeg tau txais kev kub ntxhov los ntawm av qeeg nyob Mias Mas teb thiab nyob Thaib teb.

Vaj Qhia Fas Ntshis Kus koom kev tu siab thiab nrog tsoom pej xeem Mias Mas, tsoom pej xeem Thaib sib koom ua ib lub siab. Vim hnub tim 28 lub 3 hlis tag los no, av qeeg muaj ceem nyob Mas Mas teb thiab deeg txog Thaib teb.

Vaj Qhia xa ntawv thiab thov Ntuj rau mus cov neeg tuag. Nws hais meej txog kev sib ze ntawm fab ntsuj plig hauv cov neeg tau txais txhua yam kev kub ntxhov.

Vaj Qhia thov ua tsaug rau cov tub tshawb nrhiav neeg tuag uas lawv tau muab siab rau, nws thov Ntuj kom lawv muaj zog thiab ua tiag nyiaj nyob hauv kev saib xyuas cov neeg raug mob thiab cov khiav tsis muaj chaw.

Av qeeg zaum no muaj 4 zaug uas muaj ceem tshaj thiab ua rau Mias Mas teb tau txais kev piam sij loj kawg. Cov tub tshawb nrhiav cov neeg tuag hais tias : tej zaum tseem yuav muaj cov neeg tuag li ntawm ntau pua leej ntxiv. Ib lub tsev kho mob loj nyob hauv Nes Pis Dos kuj piam sij ntau kawg, thiab lawv thau ntau pua tus neeg mob tawm mus kho mob nyob sab nraud. Tseem hwv tau tshaj txog 6 qhov chaw uas muaj kev kub ntxhov loj, thiab thov kom muaj kev pub ntshav sai sai. Av qeeg zaum no kuj ua rau ib lub tuam tsev ntau txheej siab uas tab tom txhim nyob Bangkok pob vau los mus. Ua rau neeg tuag 3 leeg thiab raug mob 10 tawm leej. Cov tub tseem hwv thiab cov tub tshawb nrhiav cov neeg tuag hais tias : muaj li ntawm 81 tus neeg tseem raug txhub nyob rau hauv. Tam sim no lub tuam ceeb Bangkok raug tshaj tawm tias yog qhov chaw muaj kev piam sij.