Vaj Qhia Fas Ntshis Kus hais txog cov neeg thoj nam. Tswv Ntuj tab tom taug kev nrog nws cov neeg

Nyob hauv Vaj Qhia Fas Ntshis Kus tsab ntawv uas nws sau rau hnub neeg thoj nam thiab cov neeg thoj nam nyob thoob ntiaj teb. Lub Koom Txoos yuav ua hmoov tsuj xeeb hnub ua neeg thoj nam rau hnub tim 29 lub 9 hlis xyoo no. Vaj Qhia sau tias : “Muaj Ntawv Ntshiab yog lub Moo Zoo, ntawv thov Ntuj thiab txoj Saw Mab Liab uas nrog cov neeg thoj nam pes tsawg phau nyob hauv kev hla teb chaws suab puam ? Dej hiav txwv thiab txhua xeev ntuj ciam teb.” Blessing Okoedion tus dim ntawm kev ua luam neeg uas yog neeg Nis Zes Lias hais tias : “Nws tau rov kawm thiab paub tias kev ua neeg ntseeg yog txhais li cas ?”

Vaj Qhia Fas Ntshis Kus tau sau ib tsab ntawv rau hnub neeg thoj nam thiab cov ua neeg thoj nam thoob ntiaj teb. Xyoo no hnub ua neeg thoj nam yog ncaj rau hnub tim 29 lub 9 hlis. Muaj lub ntsiab lus tias : “Tswv Ntuj taug kev nrog nws cov neeg.”

Hauv tsab ntawv Vaj Qhia sau tias : “Cov neeg thoj nam coob leej tau paub txog Tswv Ntuj uas nrog lawv mus ua ke, tus coj kev thiab lub thauj tog ntawm kev cawm seej.” Txawm li cas kuj xij, Tswv Ntuj tsis yog nrog nws cov neeg taug kev xwb, Tswv Ntuj yog nyob nruab nrab hauv lawv thiab. Zoo li Tswv Ntuj nyob hauv cov poj niam thiab txiv neej uas mus kev nyob hauv keeb kwm. Tshwj xeeb tshaj yog cov ua neeg me, cov neeg pluag thiab cov neeg raug tso tseg. Nyob hauv zaj no peb pom txog qhov tob ntawm kev yug los ua neeg. Vaj Qhia Fas Ntshis Kus thov kom sawv daws muab siab rau txog cov neeg thoj nam zim txwv no, zoo li lawv yog cov His Xas Lais thoj nam dim ntawm lawv txoj kev ua qhev los nyob ywj pheej. Yog qhia txog lub Koom Txoos txoj kev mus kev kawg, uas yog ntsib Tswv Ntuj. 

Lawv txoj kev mus kev thiab cia siab qhia peb tias : “Ntawm peb, mas peb lub tsheej yog nyob saum ntuj, vim peb tos Huab Tais Yes Xus Pleev yuav los cawm peb.”