Vaj Qhia Fas Ntshis Kus hais tias kev pleev ntawm Leej Ntuj Plig Ntshiab yog zoo li peb siv Yes Xus tus ntxhiab tsw qab w rau lub ntiaj teb

Nyob hauv kev qhia kev ntseeg hnub 3 hauv lub lis piam ntawm Vaj Qhia, yog nco txog hnub ua hmoov tsuj xeeb hwm Leej Ntshiab Pis Os tim 10. 

Hnub ntawd, Vaj Qhia Fas Ntshis Kus tau hais rau cov xib hwb qhia kev ntseeg txhua tus tias : “Lawv ua hauj lwm hnyav kawg nyob hauv lub ntiaj teb qee suam. Lawv yog thawj pab ua raws kev ntseeg, ces thov Tswv Ntuj pub lub peev xwm rau lawv.”

Vim Leej Ntuj Plig Ntshiab pleev, ces cov neeg ntseeg thiaj raug hu kom mus tshaj Yes Xus tus ntxhiab tsw qab thoob ntiaj teb. Hnub no Vaj Qhia nthuav zaj no rau cov neeg ntseeg nyob hauv kem tsev Paj Lug 6, yog cov uas lawv mus ntsib Vaj Qhia txhua txhua lis piam hnub peb. 

Ua raws li kev qhia kev ntseeg uas muab tus kheej cev rau Leej Ntuj Plig Ntshiab, Vaj Qhia Fas Ntshis Kus tau hais Yes Xus cov lus tias : “Huab Tais lub tswv yim nyob saum kuv, vim nws pleev roj los qee kuv.” Lub Cim Ntxuav hauv tus dej Yos Las Das, Vaj Qhia hais tias : “Leej Txiv uas yog Tswv Ntuj pleev peb nyob hauv Leej Ntuj Plig Ntshiab.” Qhov ntawd yog pleev Yes Xus ua Vaj. Qhov tiag tiag nyob hauv Ntawv Cog Lus Qub, tus vaj, tus tshaj lub Moo Zoo thiab cov Txiv Plig tau txais lub Cim Pleev Roj Ntshiab. Ntawm Yes Xus tiag tiag tsim nyog yuav tau txais cov roj ntawm lub cev, tab sis nws tau txais cov roj ntawm fab ntsuj plig, yog Leej Ntuj Plig Ntshiab. Yog lub Cim ntawm qhov tseeb tiag.

Vaj Qhia hais ntxiv tias : “Leej Ntuj Plig Ntshiab nyob puv hauv Yes Xus txij lub hauv paus mus txog thaum nws nqes los ua neeg.” Txawm li cas kuj xij, qhov ntawd yog lub txiaj ntsim ntiag tug uas tsis tuaj yeem theej tau. Tam sim no Yes Xus tau txais paj tshab ntawm Leej Ntuj Plig Ntshiab puv npo, hais txog nws cov hauj lwm. Kev ua tus thawj coj, nws tau theej mus rau nws lub cev uas yog lub Koom Txoos. 

Li ntawd, lub Koom Txoos thiaj yog Tswv Ntuj haiv neeg, cov tshaj lub Moo Zoo thiab cov Txiv Plig tshiab. Lo lus Mes Xias hauv xeem lus Hes Nplaws thiab lo lus Pleev hauv xeem lus Hes Laas  yog zoo ib yam. Yog hais txog Yes Xus thiab ob lo lus no lub ntsiab yog “tus raug pleev’. Tas cov Txiv Plig yuav piav lub ntsiab ntawm peb txoj kev ntseeg nyob hauv lo lus “tus raug pleev raws Yes Xus tus lwj lwm.”

Dhau ntawm cua lawm, Leej Ntuj Plig Ntshiab tseem siv lub Cim Roj thiab. Zaj no yog qhia dab tsi rau peb ? Vaj Qhia teb lo lus no nyob hauv lub thaj txi Ntuj hnub Tsib Ntshiab, cov Tswv Qhia pleev cov Roj Ntshiab hu ua : “Yes Xus”. Yog hais txog cov yuav tau txais lub Cim Pleev nyob hauv lub Cim Ntxuav thiab zeem tseeb tias : “Thov kom lub Cim Pleev no txeem mus rau lawv lub cev thiab ua kom lawv tshiab tuaj. Lawv yuav tseb tus ntxhiab tsw qab ntawm lub neej ntshiab huv.”

Vaj Qhia hais tias : “Paub zoo tias yog qhov khuv xim kawg uas qee zaus cov neeg ntseeg tsis tau tseb Yes Xus tus ntxhiab tsw qab. Tab sis lawv tseb tus ntxhiab ntxim ntxub thiab lawv cov txhaum xwb.” Txawm li cas kuj xij, txhob muab qhov no los ua kom peb lub siab ntxhov, ces peb tsis nco qab ua peb cov hauj lwm nyob ib puag ncig uas yog Yes Xus tus ntxhiab tsw qab nyob hauv ntiaj teb. Yes Xus tus ntxhiab raug tso tawm los ntawm Leej Ntuj Plig Ntshiab cov hauj lwm. Yog kev nyiam kev hlub, yog kev zoo siab, kev thaj yeeb, kev khuv leej, kev zoo, kev ncaj ncees, kev ua neeg me thiab kev txawj cheem tus kheej.  

Yog peb muab siab rau cog tej yam no, mas muaj tej tus neeg yuav kov thiab chwv tau Leej Ntuj Plig Ntshiab tus ntxhiab hauv Yes Xus nyob ib ncig peb.