Iran npaj raws kho kom kev cog yaj yeeb raug kev cai, kom tau coj los siv ua tshuaj kho mob

Kev cog yaj yeeb uas raug txwv txij xyoo 1979 los ntawm cov Islam kev ntxeev siab, tej zaum yuav raug daws kho dua kom raug kev cai los ntawm cov pwm tsav Iran. Cov neeg txhawb nqa tseem hwv hais tias; kev cog yaj yeeb yog qhov tsim nyog hauv kev tsim tshuaj. Hos cov neeg tiv tseem hwv liam tias cov tseem hwv xav nrhiav nyiaj, ces lawv thiaj xav txhab kev cog yaj yeeb kom tau li ntawm ib plhom kis los nyob hauv ib xyoos. Yav tag los ib xyoos no tsuas cog tau 450,000 kis los xwb. 

Tus Txoov Tim Tswv Masoud Pezeshkia pab nom tab tom txhawb nqa kev cog yaj yeeb nyob hauv lub teb chaws thiab kev muag yaj yeeb kom raug kev cai. Cov lus no tseem tab tom raug tuav xam nyob hauv Iran lub pwm tsav. Kev tuav xam no yog rhuav tshem kev txwv yaj yeeb los tau 46 xyoo thiab ua kom lub teb chaws rov qab cog yaj yeeb raug kev cai. Lub tswv yim no ua kom muaj kev sib cav zom pes zaws nyob hauv cov tseem hwv. Ua kom muaj qhov ua xyem xyav txog kev tsim tshuaj kho mob ntawm cov Islam. Thiab muaj kev sib cav ntawm cov tseem hwv uas xav kom lub teb chaws muaj kev cog yaj yeeb.