Ib tug neeg ntseeg nyob Hooj Koos, raug kaw nkuaj nyob Hubei 2 lub hlis.
Stephen Chen Yueli raug ntes thaum nws mus Suav av loj, nws raug liam lub txim tias “Ua hauj lwm txhaum kev cai”. Yog luam ntawv hais txog qhia kev ntseeg Hnub Chiv (Sunday) rau cov me nyuam yaus nyob Huv Pem (Hubei).
Raws li NGO China Aid tshaj tawm, nws raug kaw ib leeg thiab tsis pub ntsib nws tus kws lij choj. Tseem muaj 8 tus neeg ntseeg raug ntes nrog nws ua ke thiab, tab sis tsis paub lawv cov npe. Cov tub ceev xwm ntes Chen Yueli hnub tim 19 lub 12 hlis tsaib no, nyob ntawm lub rooj vag Shenzhen-West Kowloon. Lawv coj nws mus kaw nyob hauv lub nroog Chibi, lub xeev Hubei. Nws tus kws lij choj thov ntau zaus, tab sis cov tub ceev xwm tsis pub sib ntsib. Nws tsev neeg kuj txhawj xeeb txog nws kawg, vim ntshai tsam nws muaj mob.
