Lub xeev Huj Naj tos txais cov neeg ncig tsham teb chaws uas lawv nyiam Hmoob tej twj nyiaj xuas tes ntaus

Hauv lub xeev Huj Naj (Hunan) uas nyob Suav teb, muaj cov neeg ncig tsham teb chaws coob zuj zus tuaj. Yog cov neeg muab siab rau soj ntsuam txog tej kab lis kev cai nplua nuj, uas yog kev ntaus nyiaj raws txheej thaud ntawm cov Hmoob. Hauv lub zos Tawv Paas uas sawv daws paub nyob hauv lub npe ‘lub zos ntaus nyiaj’ nyob hauv lub nroog Fenghuang. Cov kws ntaus nyiaj ib txheej dhau ib txheej tseem txuag tus qauv ntaus nyiaj tau zoo nyob hauv lawv tej kab lis kev cai.

Ib zaug dhau los uas Hmoob tej twj nyiaj raug khaws cia ua lub cuab tam hauv yim neeg thiab tseg ua nqi tshoob nqi kos. Zim txwv no yog qhov cov neeg ncig tsham teb chaws nyiam kawg, tsis hais cov neeg hauv lub teb chaws los cov neeg txawv teb chaws. Ib tsoom neeg ncig tsham teb chaws tsis yog nyiam tus qauv ntaus nyiaj xwb, lawv kuj nyiam txog tej kab lis kev cai nyob hauv tus qauv nyiaj txheej thaud. Xws li duab noog, ntses, npauj npaim thiab paj ntoos. Yog lub cim ntawm koob hmoov, kev nto koob meej thiab muaj hmoo.

Cov kws ntaus nyiaj nyob hauv zej zog tau hloov tus yam ntxwv raws kev pauv ntxeev. Lawv ntaus tej twj nyiaj kom sib thiab haum rau txheej tshiab ntau dua. Zim txwv no lawv tseem txuag cov qauv qub qub cia.

Raws cov kws ntaus nyiaj hais, mas cov neeg ncig tsham nyiam yuav tej twj nyiaj uas coj tau nyob hauv lub neej niaj hnub. Ntawm cov neeg ncig tsham uas yog neeg txawv teb chaws, mas lawv nyiam yuav tej twj nyiaj tus qauv qub qub uas muaj lub ntsiab thiab raws tej kab lis kev cai. Ntawm cov neeg tawm rooj coob leej, mas kev yuav Hmoob tej twj nyiaj yog qhov tseem ceeb dua tej kev mus ncig kiab khw vim qhov no ua kom lawv tau pom txog Hmoob tej keeb kwm, tus yam ntxwv thiab Hmoob tej kab lis kev cai.