Koom Haum Hlub Hmong pab kho cov tub ntxhais hluas tej siab ntsws nyob hauv lub nroog Merced

Lub 5 hlis yog lub hli ntawm kev nco txog fab siab ntsws, ces lub Koom Haum Hmoob nyob hauv nroog Merced xeev California thiaj tsim tej yam txawv txav rau cov tub ntxhais hluas Hmoob. Lub 3 hlis xyoo no lub pwm tsav kev noj qab haus huv nyob xeev California (CDPH) tau muab 25 plhom dos las pab rau cov haiv neeg tsawg 28 haiv neeg nyob hauv lub xeev. Kom lawv tau siv cov nyiaj ntawd los pab daws teeb meem siab ntsws thiab kho cov hluas tus cuj pwm.

Koom Haum Hlub Hmong yog lub Koom Haum tsis nrhiav nyiaj txiag, tau txais peev nyiaj txiag txhawb nqa los ntawm CYBHI 2 xyoos sib law. Peev nyiaj txiag uas tau txais yog muab los txhim kho cov hluas tej siab ntsws, thiab txhawb nqa kab lis kev cai hauv xeem lus hmoob rau cov tub ntxhais hluas hnub nyoog 18 txog 25 xyoos.

Koom Haum Hlub Hmong yuav siv peev nyiaj txiag los txhim kho fab siab ntsws thiab hloov tus cuj pwm 2 yam, xws li hais txog kho siab ntsws kom nyob tus thiab hloov tus cuj pwm kom haus rau fab kab lis kev cai thiab xeem lus.