Keeb kwm hmoob ntu 1
Hmoob yog ib haiv neeg uas luag lwm haiv neeg ntsia pom tias muaj peev xwm thiab tsis tshua sib haum xeeb nyob ua ke kom thaj yeeb. Cov neeg uas lawv muab hlob thiab lawv saib lawv tus kheej siab dua luag tej, mas lawv koom nrog lwm tus sib haum xeeb tsis tau, lawv tus yam ntxwv coj txawv lwm tus. Qhov no yog qhov tseeb thiab yog keeb kwm ua rau cov haiv neeg tsawg muaj tej yam zais ntshis tsis pub leej twg paub. Thiab tseem hais ntxiv tias Hmoob yog cov neeg tsis raug cai uas kho tsis paub zoo. Nyob hauv tsab ntawv no peb tshawb pom tias tej kev xav no yog los ntawm cov yeeb ncuab Hmoob thiab haiv neeg Hmoob.
Hauv tiam 19 uas yog ntsuj tsov rog Nyab Laj, tau ua kev piam sij loj kawg nyob As Xias toob fab naj los ntawm cov tub rog Aws Los Pas thiab As Mes Lis Kas. Cov xwm txheej no thiaj ua rau Hmoob yog thawj pab neeg uas nto npe thiab tas ntiaj teb xyav moo txog. Lub caij ua tsov rog, Hmoob kav tas cov roob siab nyob Nyab Laj teb, Los Tsuas teb thiab Suav teb, kom lawv tau kev tiv cov koom tshaj. Muaj kev sib tua sib txeeb nyob hauv ntsuj rog Nyab Laj, vim kev sib ntaus sib tua thiaj ua rau Hmoob yog ib haiv neeg tsawg uas pib muaj suab npe nyob As Xias toob fab naj. Kev sib ntaus rog, mas chiv thawj Hmoob tsuas tiv thaiv tus kheej kom Hmoob muaj av nyob thiab tau kev twj lij xwb, tab sis qhov kawg mas yog kev sib tua kom dim siav ciaj.
Hmoob lub keeb tiag tiag, mas yog los pem Suav teb los. Hmoob nyob ze tus niam dej dag (Yellow River), hauv lub nroog Tsuav Luj nyob Suav qaum teb. Yog vim kev raug quab yuam, ces Hmoob thiaj tsiv tshais chaw mus nyob Suav qab teb. Kev ntaus rog ntawm Hmoob thiab cov tub rog Suav pib heev zuj zus nyob hauv tiam 18 uas yog tus vaj Tshees kav Suav teb. Thaum tiam 19 yuav tag, cov Hmoob thiaj khiav ua neeg thoj nam ib zaug loj loj mus rau cov teb chaws thoob As Xias toob fab naj. Hais txog kev khiav ua neeg thoj nam ntawm Hmoob, mas twb pib txij tiam 17 los lawm. Thaum lub sij hawm uas Hmoob khiav coob coob mus nyob Suav qab teb, mas muaj kev sib txeeb liaj teb thiab dej av, ces tus vaj Tshees thiaj tso tub rog cheb ntxuav tua Hmoob nyob hauv tiam 18 thiab 19. Cov thawj tub rog Suav mam txuv thiaj tis npe rau Hmoob hu ua “Mæ̂w”, txhais tias cov neeg tsis raug cai los yog neeg nyob tsis muaj chaw. Txij ntawd los Hmoob thiaj muaj keeb kwm nyob hauv tsov rog hais txog kev sib txeeb teb chaws. Tab sis Hmoob tsuas yog ib haiv neeg tsawg nyob cov haiv neeg tsawg uas nyob toob faj naj hauv Suav teb xwb. Thiab cov Suav nyob qab teb yeej ib txwm muab Hmoob hu ua Maew. Vim lawv xav tias Hmoob yog cov neeg tsis raug cai, yog cov neeg qus uas tsis muaj kev txawj ntse thiab tsis paub cai.
Nyob hauv ntsuj tsov rog tiam 18, mas Suav siv lo lus Maew rau haiv neeg Hmoob, ua lub cim tias yog haiv neeg uas tiv tseem hwv Suav. Yog haiv neeg tsis muaj kev txawj ntse, yog haiv neeg tsis paub cai thiab tsis tsis lees tseem hwv Suav txoj cai. Hmoob thiaj raug ua tus yaj them txim thiab khiav tawm. Hmoob rais ua tus neeg ntxeev siab, ces kev ntxeev siab thiaj rais los mus ua kev cheb ntxuav haiv neeg kom tu noob. Kev txom nyem thiaj poob rau haiv neeg Hmoob, tsis yog Suav. Lo lus hais tias Maew, yog ib haiv neeg uas ntxeev siab tsis mloog tseem hwv lus, tab txawm tseem hwv yuav kav tsoom pej xeem zoo npaum cas kuj xij. (Photo Roger Arnold/WpN)
