Thaum lub 3 hlis yuav tag, av qeeg loj kawg thiab ua kev piam nyob Mias Mas teb. Kev piam sij no ua kev kub ntxhov rau fab kev lag luam loj tas nrho. Raws kev tshaj tawm ntawm ntiaj teb lub tuam txhab hais tias : kev lag luam hauv lub teb chaws yuav nqis li ntawm yuav luag 3 feem pua hauv xyoo 2025 thiab 2026. Cov teeb meem feem ntau yog los ntawm av qeeg. Ces xav tias yuav ua kev kub ntxhov rau tsoom pej xeem 17 plhom leej nyob hauv cov thaj tsam av qeeg. Thiab muaj 9 plhom leej yuav tau txais kev kub ntxhov loj heev. Av qeeg zaum kawg nyob Mias Mas teb, ua rau neeg tuag 3,700 raws li cov tseem hwv Mias Mas tshaj tawm. Tab sis tus zauv tiag tiag ntawm cov neeg tuag, xav tias yuav muaj coob dua. Vim cov tseem hwv Mias Mas tau txwv tsis pub qee pab tub nrhiav cov neeg tuag txawv teb chaws tuaj pab.
Nyob hauv lub nroog Mandalay muaj ntau txhiab lub tsev, ntau lub tsev teev Ntuj thiab teev hawm Phus Thas puas tsuaj tas. Ua rau cov Leej Phauj coob leej tsis muaj vaj tse nyob. Tab sis muaj ntau pab neeg hauv ntau txoj kev teev hawm uas lawv tau pab txhiam xws noj, chaw nyob chaw pw thiab xa kev pab mus rau cov neeg uas tseem hwv pab tsis txog thiab raug tso pov tseg.
