Cov tuam tsev ua roj palm nyob Indonasia, ua kom muaj kev kub ntxhov rau fab huab cua tau li cas ?
Xov Xwm Ntuj Hloos
Time 19 lub 6 hli 2026
Cov tuam tsev ua roj palm nyob Is Ntos Nes Xias, ua kom muaj kev kub ntxhov rau fab huab cua tau li li cas ?
Is Ntos Nes Xias teb yog ib nrab ntau ntawm cov roj palm nyob thoob ntiaj teb. Roj palm yog hom roj noj uas sawv daws siv ntau tshaj nyob hauv ntiaj teb no. Peb pom tau nyob hauv yuav luag txhua yam, txij tej zaub mov noj, khoom siv mus txog hluav taws. Cov neeg txuag txhua yam nyob ib puag ncig txhawj xeeb tias : kev xav tau ntawm tib neeg uas muaj txhab ntxiv, yuav ua kom muaj kev luaj hav zoov nyob Is Ntos Nes Xias teb ntxiv. Vim yog qhov hav zoov ntuj qhua uas loj tim 3 nyob ntiaj teb, ces yuav ua rau muaj kev kub ntxhov fab huab cua phem tuaj.
Lub Koom Haum roj palm nyob Is Ntos Nes Xias teb hais tias :
“Kev tsim roj palm txhab ntxiv li ntawm 50 plhom tons hauv xyoo 2023. Ua ntej ntawd, mas tsuas tau li ntawm 45 plhom tons xwb.”
Lwm cov Koom Haum thiab cov tswv av qee leej hauv zej zog uas lawv ua vaj txiv ntoo roj thiab cov kws tshawb fawb ceeb toom tias : carbon ntau ntau ua kom muaj kev kub ntxhov rau lub ntiaj teb uas tab tom tso pa rau cov txheej huab.
