Tab txawm tias xyoo 2021, tseem hwv tau txwv tsis pub cog ntoo palm, vim ua teeb meem rau txhua yam nyob ib puag ncig. Tsis kav cov Koom Haum loj uas ua kiab khw tseem cog tsis tseg nyob hauv lub teb chaws thiab cov neeg siv roj tseem muaj coob. Cov teeb meem no ua rau tsis tuaj yeem muab lwm hom ntoo los cog, kom tau daws teeb meem. Vim lwm hom ntoo tsuas ua teeb meem rau txhua yam nyob ib puag ncig me ntsis xwb. Ib los pav hauv cov Koom Haum loj uas lawv tsis xav txog kev ua teeb meem rau txhua yam nyob ib puag ncig thiab kev txwv tsis pub cog, qhov kawg ua kev piam sij rau lwm hom ntoo tshiab uas tsis ua rau txhua yam nyob ib puag ncig piam sij. Nov yog kev tsis sib haum hais txog ntoo palm nyob Xis Laas Kas teb.
Nyob Xis Laas Kas teb muaj av 13,000 hev taj uas yog cov tswv ntiag tug cog ntoo palm. Lawv lub hom phiaj yog yuav ua kom dav li ntawm 20,000 hev taj sai sai no. Tab txawm tias xyoo 2021, lub pwm tsav fab txhua yam nyob ib puag ncig txwv tsis pub cog ntoo palm, vim tsoom pej xeem feem coob tsis pom zoo kuj xij. Cov Koom Haum lag luam no kuj tseem cog ntoo palm ntxiv mus kom ntau dua qub. Txawm li cas kuj xij, teeb meem kev txwv tsis pub ua teb cog ntoo palm ntxiv yuav ua kev piam sij rau cov Koom Haum no. Ces Xis Laas Kas teb yuav tsum txais roj tuaj txawv teb chaws tuaj ib hnub yog 500 tonnes.
