Pas Kis Taas teb raug kev tshaib nqhis zoo ib yam li cov teb chaws uas muaj tsov rog
![](/sites/default/files/styles/max_width_770px/public/2023-11/pakistan_faces_a_food_crisis_like_a_country_at_war.jpg?itok=TpQIQZzH)
FAO thiab ntiaj teb lub Koom Haum txhiam xws noj ceeb toom tias : teeb meem kev kub ntxhov nyob hauv lub caij ntuj sov dhau los, ua rau lub teb chaws Pas Kis Taas tseem tsis tau sawv. Lub teb chaws tsis muaj qhov zoo tuaj nyob hauv kev tseev tsim thiab fab nyiaj txiag, tsis muaj kev lag luam nkag tuaj ces tsis muaj nyiaj txawv teb chaws. Ua rau lub teb chaws cov nyiaj tsis muaj nqis thiab tsis muaj txhiam xws noj. Tsoom pej xeem ntau txhiab leej poob nyob hauv txoj kev tshaib nqis, zoo xws li yog muaj tsov rog.
Pas Kis Taas teb raug teeb meem kev tshaib nqhis xws li lub teb chaws muaj tsov rog, vim yog kev tseev tsim tsis ruaj khov, kev lag luam poob qis, thiab tsaib no raug dej nyab loj heev, ces lub teb chaws tseem tsis tau xeev los yog tsis tau muaj ib qho zoo tuaj.
Lub Leej Haum Kuj lub Koom Haum txhiam xws noj (FAO) thiab kev ua liaj ua teb nrog rau ntiaj teb lub Koom Haum txhiam xws (WFP) hais tias : hais txog kev tshaib nqhis, tseem yuav muaj txuas ntxiv ntau lub hlis tom ntej nyob hauv 22 lub teb chaws nyob thoob ntiaj teb. Feem ntau yog los ntawm kev tsis sib haum xeeb thiab kev sib txeeb nyob hauv lub teb chaws.
Txij lub 9 hlis txog lub 12 hlis tsaib no, muaj tsoom pej xeem Pas Kis Taas 6 plhom leej raug kev tshaib nqhis, thiab 2 plhom tawm leej yog raug kev kub ntxhov los ntawm lwm yam hauv lub teb chaws. Pas Kis Taas teb tsoom pej xeem yog 230 plhom leej.
Lub Leej Haum Kuj xav tias txhua yam yuav phem zuj zus nyob hauv lub qab xyoos no, vim kev tseev tsim tsis ruaj khov thiab kev nyiaj txiag tsis hlob tuaj li. Ua rau ntau yim neeg tsis muaj nyiaj yuav txhiam xws noj, thiab lawv tsis tuaj yeem yuav mus qis txais nyiaj tau hauv cov tuam txhab ceev nyiaj. Tsis tas li ntawd, kev kub ntxhov tseem yuav muaj ntau heev nyob hauv lub 10 hli xyoo tom ntej uas yog lub caij pov ntawv xaiv tsa thiab. Lub 5 hlis thiab lub 6 hli xyoo 2023 no, tsoom pej xeem As Kas Nis Taas li 15 plhom leej kuj raug kev tshaib nqhis loj heev. Cov teeb meem no yog los ntawm cov Tas Lis Npaas kev txeeb teb chaws thaum lub 8 hli tsaib ub.