Lub Leej Haum Kuj hais tias : lub ntuj kub yog teeb meem ntawm huab cua nyob As Xias
Raws kev tshaj tawm ntawm cov kav xwm fab kev lag luam thiab lub Leej Haum Kuj nyob As Xias thiab Pacific tshaj tias : tsim nyog yuav muaj kev txhim kho ntev, kom tau daws teeb meem kev lag luam piam sij, kev kub ntxhov fab kev noj qab haus huv thiab kev piam sij hauv lub zog. Cov kev tsheb pua roj hmab thiab kev tsheb pua pob zeb hauv txhua lub nroog, tab tom ua kom muaj kev kub ntxhov tshwm sim. Txhua yam nyob As Xias kuj tab tom poob nyob hauv kev txhawj xeeb ib yam. Lub ntuj kub yog thawj yam teeb meem ntawm huab cua nyob As Xias teb. Raws li pom nyob hauv cov xwm txheej dej nyab ntau zaus nyob As Xias toob fab naj ntau lub lis piam tag los. Tsab ntawv tshaj tawm no txhib txog qhov cheem tsum hauv kev ua hauj lwm ntev, kom tau daws kho kev puas tsuaj hauv kev lag luam, fab kev noj qab haus huv thiab lub zog. Xyoo 2024, yog xyoo uas lub ntuj kub tshaj plaws nyob thoob ntiaj teb. Cov xwm txheej nyob As Xias uas phem tshaj, yog lub khaub lig cua ntuj sov uas los raug Npees Las Des teb hauv lub 4 hlis thiab lub 5 hlis tsaib no. Ua kev kub ntxhov rau tsoom pej xeem 33 plhom leej. Hos nyob Is Ntias teb ua rau muaj neeg tuag 700 leej.
Raws li kev mem nyob hauv zim txwv no, pom tias txij xyoo 1980 txog 1999 cov teb chaws nyob As Xias Naj xws li : Is Ntias teb, Pas Kis Taas teb thiab Npees Las Des teb raug cov huab cua kub kub siab txog 35 deegree, yog tshaj 300 hnub nyob hauv ib xyoos. Thaib teb, Mias Mas teb thiab Khas Phus Chas teb qhov kub yog 41 deegree, muaj tshaj 200 hnub nyob hauv ib xyoos. Pom tias tseem yuav muaj cov huab cua kub siab li ntawm 35 deegree, hauv 250 hnub nyob hauv ib xyoos.
