Kev tsis ruaj ntseg nyob Npees Las Des teb ua rau rooj sab laj hais txog huab cua tsis tsheej

Tom qab ntawm kev tawm tsam ntiab Npees Las Des tus thawj pwm tsav tawm mus, cov tub saib xyuas txhua yam nyob ib puag ncig tau kom cov tseem hwv muab siab rau saib xyuas txog kev pauv ntxeev ntawm huab cua uas yog ib nqe lus tseem ceeb nyob hauv lub rooj sab laj. Tab txawm cov tseem hwv ntsib ntau yam ntxhov hauv kev rov txhim tsa lub teb chaws kom nyob tus los ntau lub lis piam kuj xij.

Muhammad Yunus tus tau txais lub txiaj Nos Npes yog tus los txais txoj hauj lwm ua thawj pwm tsav rau hnub tim 8 lu 8 hli no. Tom qab kev tawm tsam ntawm cov tub ntxhais kawm ntawv hais txog kev ntiav zog, ces thiaj rais ua teeb meem loj. Ua rau muaj neeg tuag ntau pua leej thiab lawv ntiab tus thawj pwm tsav Sheikh Hasina tawm mus txawv teb chaws. Tsis paub tseeb tias cov tseem hwv technocratic yuav ua nom kav teb chaws ntev npaum cas, thiab cov kws txuj fab txoj cai hais tias tej zaum yuav siv sij hawm li ntawm ib xyoos los yog ntev dua ntawd. Yunus uas nws muaj 84 xyoos thiab nws hais tias : nws xav pom kev txhim kho uas tseem ceeb los ntawm cov tub rog saib xyuas kev ruaj ntseg thiab tseem hwv txoj cai ua ntej yuav rov muaj dua kev xaiv tsa tshiab. Cov tub txawg tub ntse hais tias : tsis tsim nyog yuav muab nqe lus hais txog huab cua pauv ntxeev tso tseg. Npees Las Des thiab yog lub teb chaws uas muaj huab cua phem tshaj plaws tim 9 nyob hauv ntiaj teb. Raws li ntiaj teb kev soj ntsuam txhua yam, txij txhiam xws noj mus txog kev saib xyuas lub cev ntaj ntsug nws yog qhov txaus txhawj los ntawm huab cua phem.