Cov tsev teev hawm thiab cov tsev teev Ntuj nyob Is Ntos Nes Xias teb
![](/sites/default/files/styles/max_width_770px/public/2023-09/in_indonesia_mosques_and_churches_take_on_the_plastic_challenge_licas_news_photo.jpg?itok=kIJmQLgN)
Cov tsev teev hawm Mawv Xis Lim thiab Islam nyob Is Ntos Nes Xias teb tau ua ob yam hauj lwm tiav xws li : qhia kom tsoom pej xeem pov tej yam qhia neeg los yog khib nyiab kom muaj chaw, thiab siv cov nyiaj paj tshab los txhawb nqa cov tsev teev hawm tej hauj lwm thiab sau sawv daws sib koom sab laj ua hauj lwm ua ke.
Lub tsev teev hawm Baitul Makmur nyob hauv lub nroog Npes Kas Xis, uas nyob hauv lub xeev Ntsas Vas sab hnub poob tau ua cov hauj lwm no los ntawm (GRADASI), txhais tias kev ua hauj lwm pab dawb nyob Is Ntos Nes Xias teb. Qhov no muaj lub hom phiaj kom tau txo tej yam qias neeg ntawm cov hnab roj hmab hauv cov yim neeg thiab cov tsev teev hawm.
GRADASI muaj lub hom phiaj yuav txhab kev txhib txog txhua yam nyob ib puag ncig ntawm tsoom pej xeem thiab cov neeg tuaj tsham, kom lawv paub tias kev pov khib nyiab yog sawv daws ntiag tus uas yuav tau sib pab txuag. Tsis yog tseem hwv los sis cov Koom Haum thiaj muaj cai khaws khib nyiab xwb.
Cov lus no yog Suhapli tus saib hauj lwm ntawm GRADASI nyob hauv lub tsev teev hawm Baitul Makmur ua tus tshaj tawm.
Raws cov ntaub ntawv ntawm kev khaws khib nyiab nyob Is Ntos Nes Xias teb tshaj tias tsaib no, nyob Is Ntos Nes Xias teb muaj khib nyiab li ntawm 19 plhom tons, thiab cov khib nyiab 18 feem pua yog roj hmab.
Khib nyiab roj hmab ua kom muaj teeb meem ntau yam rau cov pov txwv, xws li ua rau tej nroj tsuag tsis zoo nkauj, hiav txwv qias neeg thiab ua teeb meem rau tib neeg lub cev thaum ntxuav tej toob xib uas yog roj hmab.
GRADASI ua tau cov hauj lwm tiav nyob Is Ntos Nes Xias teb, vim cov Mawv Xis Lim yog 87 feem pua ntawm tas tsoom pej xeem. Yog tias lawv sib pab koom tes thiab coj mus siv kom dav, mas yeej ua tau zoo xwb. Thiab lawv cov hauj lwm tuaj yeem hloov tau tas tsoom pej xeem Is Ntos Nes Xias 280 plhom leej lub tswv yim, kom txawj txuag kev siv hnab roj hmab thiab khaws khib nyiab kom zoo tshaj qub.