Yus Xus lub hwj chim tawm los
Mas Tais ntawv Moo Zoo 17 : 1-9
Zaj ntawv Moo Zoo uas peb yuav mloog nyob hauv hnub no, yog ib zaj uas sawv daws paub zoo. Zaj no raug piav nyob hauv 3 phau ntawv Moo Zoo thiab yog zaj hais txog Yes Xus lub hwj chim tawm tuaj. Yav tag los raug txhais tias yog kev ua yog toog txog Tswv Ntuj lub Ceeb Tsheej uas muab rau nws 3 tug Thwj Tim. Txij thawj pab neeg ntseeg los cov neeg ntseeg txoj cai raug teeb tseg nyob saum lub roob Tas Npos. Yog lub roob zoo nkauj thiab nyob nruab nrab ntawm lub tiaj Es Nras. Nws ntev txij ntawm lub hiav txwv Mes Dis Tes Las Nes mus txog tus dej Yos Las Das. Lub roob Tas Npos muaj ntoo txiv ntoo roj nyob puv nkaus. Nws yog lub roob ntshiab. Txij puag txheej thaud los, cov kws txuj tau tshawb pom kev teev hawm ntau tus tswv Ntuj hauv 2,000-3,000 xyoo ua ntej Yes Xus yuav yug los. Li ntawd, thiaj yog qhov ua yog toog txog lub Ceeb Tsheej uas muab rau 3 tug Thwj Tim.
Peb yuav tau txais lus dab tsi ? Kuv xav tias yuav muaj kev sib khib nyob hauv lawv tej kev zoo. Tab sis qhov kawg peb tsis tau muab siab rau pes tsawg. Zaj ntawv Moo Zoo hnub no, yog ib phab ntawm cov txuj kev ntseeg thiab kev ntseeg uas muaj tej daim duab zoo nyob hauv Ntawv Ntshiab. Muaj cov duab uas tus nyeem nkag siab zoo, vim lawv paub Ntawv Ntshiab.
Yes Xus tus uas zam dhau kev tuag tau ncaj ncees rau neeg lub cev no, mus txog qhov tuag nyob saum Ntoo Cuam. Nov yog qhov neeg ntsia pom Yes Xus. Tab sis tus nce mus saum roob yuav pom Yes Xus kev pauv ntxeev thiab nws tus yam ntxwv tseeb tiag. Tus Yes Xus uas swb thiab piam sij hauv neeg lub ntsiab muag, nyob ntawm Tswv Ntuj mas nws yog tus neeg tseeb tiag. Yog Tswv Ntuj Leej Tub tus muaj kev yeej nto koob meej lug.
Peb kiag kuj xav pom kev pauv ntxeev ntawm Yes Xus lub ntsej muag, vim qhov pom kev no yog lub zog. Tus sau ntawv Moo Zoo tau sau tas txhua daim duab nyob hauv ntawv Moo Zoo, kom tau piav txog Tswv Ntuj lub ntiaj teb uas tshwm sim nyob hauv Yes Xus. Nws lub ntsej muag ci pom kev cuag lub hnub. Lub hnub yog tus duab ntawm Tswv Ntuj lub koob meej, vim muaj qhov pom kev nyob puv nkaus.
Saib seb Mais Xes thiab Es Lias yees tawm tuaj. Ob tug neeg ua yeeb yam no tab tom ua dab tsi nyob hauv zaj Yes Xus hloov cev ? Qhov hais txog Mais Xes thiab Es Lias uas piav nyob hauv Ntawv Cog Lus Qub. Mais Xes thov kom Tswv Ntuj ua tawm nws lub hwj chim. Thov koj muab koj lub ntsej muag rau kuv pom. Tswv Ntuj teb tias : “Koj yuav pom kuv lub ntsej muag tsis tau, vim tsis muaj leej twg uas pom kuv lub ntsej muag lawm nws tseem muaj txoj sia nyob.”
Cov Thwj Tim nyob saum roob nkag siab thiab ntshai, tab sis Yes Xus tsis tau tso lawv pov tseg. Nws txav mus ze cov Thwj Tim, nws kov lawv thiab hais rau lawv tias : “Nej sawv, nej txhob ntshai.”
Ces cov Thwj Tim tsa muag saib Yes Xus thiab pom Yes Xus tib leeg xwb. Yog peb xav kom yam tshiab, yam tshwj xeeb tshwm sim nyob hauv lub ntiaj teb, peb yuav tsa muag saib Yes Xus thiab pom Yes Xus tib leeg xwb. Yes Xus tib leeg xwb thiaj tuaj yeem muab txiaj ntsim qab hau rau peb lub neej tau. Tsis li ntawd, peb lub neej kuj yuav xaus rau kev tuag.
Kwv tij Hmoob sawv daws ! Hnub no peb piav txog Mas Tais ntawv Moo Zoo zaj 17, qib 1 txog qib 9 los xaus li no xwb. Thov peb tus Huab Tais Yes Xus Pleev lub txiaj ntsim los ntxoov nej, kom nej nyob kaj siab lug. Lwm zaus peb mam sib ntsib dua, nej sawv daws nyob zoo !
