Hais txog lub rooj sab laj Synodality (On the Synod on Synodality)
Kuv xav hais txog qee yam ntxim siab ntawm Synod thiab Synodality. Tab sis kuv xyuam xim thiab tsis hla txoj cai uas Vaj Qhia thov kom peb txhob hais txog cov neeg tuaj sib sau thiab qee leej uas lawv tawm suab. Li ntawd, kuv yuav tsis tshaj tawm txog cov ntaub ntawv uas twb tau tshaj mus lawm. Yog cov ntaub ntawv uas cov neeg hauv Synod pom zoo thiab hais txog qhov kuv cuam tshuam hauv kev tuav xam.
Ua kom pom tias cov tub koom tes hauv Synod muaj kev ntxhov siab txog lub suab ntawm kev tsis quav ntsej hauv lub neej ua neeg ntseeg thiab lwm yam. Qhov no yog qhov tseem ceeb nyob hauv lub rooj sab laj Synod thiab muab cov ntaub ntawv ua hauj lwm los hais hauv kev sib tham. Cov poj niam, Leyty, cov tuag tes tuag taw, cov tub ntxhais hluas, poj niam thiab txiv neej txawv tawv nqaij, lawv pom tias lawv tsis muaj nqis thiab lawv raug txwv raug cais hauv kev txiav txim siab. Tej yam no ua kev cuam tshuam rau kev ua lub neej neeg ntseeg. Kuv ntseeg tias lawv yeej xav hnov lo lus meej tseeb nyob hauv lub rooj sab laj, thiab kuv kuj zoo siab xav kom ua li ntawd.
Lub Koom Txoos muaj lub hom phiaj tshaj lub Moo Zoo rau sawv daws todos todos todos raws li Vaj Qhia cov lus hais tseg. Thiab kom sawv daws sau lawv los koom nrog Yes Xus ua ib tug. Li ntawd, yog muaj ib co neeg ntseeg uas raug txwv raug saib tsis taus nws yog teeb meem tseem ceeb uas yuav tsum daws kho thiab ua kom ncaj ncees. Yog qhov kuv ua tus saib lub Koom Txoos txwm 12 xyoos tag los, kuv zoo siab kawg uas yuav tos txais Synod hauv lub Koom Txoos cov hauj lwm txhua fab. Ua kom cov neeg tau txais kev pab muaj coob tuaj. Tas cov Tswv Qhia uas lawv kav lub Koom Txoos yog qhov zoo nyob hauv Synod thiab kev soj ntsuam.
Txawm li cas kuj xij, lo lus nug uas kuv nug ntau zaus nyob hauv tej pab pawg me, yog peb kev kub siab uas yuav sau cov neeg pab txuag lub Koom Txoos. Peb puas tau hnov qab tias lub Koom Txoos Kav Tos Liv cov hauj lwm 99 feem pua yog kev ua kom lub ntiaj teb ntshiab huv thiab coj Yes Xus tuaj rau lub sam thiaj kev tseev tsim, kev lom zem, kev sib xa xov, kev kho mob, kev kos duab, kev lag luam thiab lwm yam.
Tshwj xeeb tshaj yog cov muaj peev xwm. Raws li sawv daws xav qhov kuv ntxhov siab tias cov hauj lwm yuav ua ntxiv mus los yog (instrumentum laboris) thiab kev sib tham Synod yuav poob nyob hauv kev tshaj tawm sab hauv ntau dua tshaj mus ntxiv. Tab txawm Vaj Qhia tau thov kom lub Koom Txoos tshais ruam ntawm tus kheej tas mus li. Ntau ntau zaus hauv lub rooj sab laj loj, kuv tau cev tus qauv ntawm kev ua neeg Kav Tos Liv. Lub caij sib sau sab laj loj yog qhov zoo uas yuav tsim txoj kab hauv cov hauj lwm uas lawv ua. Ib qho uas tham nyob hauv lub rooj sab laj loj, yog kev ua yeeb yam los yog kev ntxhov siab nyob hauv kev hlub thiab qhov tseeb. Ib qho ntxiv peb yuav tos txais txhua tus, tab sis ua kom tsis txhob tos txais yog dua ib yam ntawm kev tsis muaj nqis hauv lo lus Dietrich Bonhoffer. Ua ke ntawd, peb yuav thov nqua hu kom cov tuaj koom pauv lawv txoj kev ntseeg mus ua lub neej mus raws qhov tseeb. Koj puas xav tias qhov no rais ua tus qauv hais txog kev nkag mus txog zej zog LGBT. Kev ua hauj lwm ntawm txhua tus hauv lub Cheeb Koom Txoos, xav tias tus muaj lub neej nyob saum txoj kev ua neeg tsim nyog yuav ua raws kev hlub thiab kev sib hwm. Thov qhuas txog lub rooj sab laj loj uas rov hais txog kev saib xyuas fab ntsuj plig no, tab sis cov tuaj koom sab laj coob leej kuj paub tias tsis tsim nyog tso pov tseg qhov tseeb ntawm lub Koom Txoos cov lus qhia ncaj ncees hais txog poj niam thiab txiv neej. Tej yam uas kuv cuam tshuam txog lub rooj sab laj loj yog nqe lus no.
Kuv ntsia pom tias thaum peb nkag siab txhua yam yog lawm, kuj yuav tsis muaj kev ntxhov siab nyob hauv kev hlub thiab qhov tseeb. Vim kev hlub tsis yog qhov yus paub, tab sis yog kev ua ntawm ib tug neeg uas nws xav kom lwm tus tau txais yam zoo zoo. Li ntawd, ib tug neeg tsis tuaj yeem hlub lwm tus tau tiag tiag, dhau ntawm nws yuav ua lub siab dawb paug tias dab tsi zoo rau tus neeg ntawd. Tej zaum kuv cav thiab muaj kev chim siab hais txog kev tos txais thiab qhov tseeb, tab sis tsis muaj nyob hauv kev hlub thiab qhov tseeb tiag. Qhov ntxim siab tim 3, yog kuv ntxhov siab txog qhov nruab nrab ntawm cov hauj lwm yuav ua ntxiv rau yav tom ntej. Lo lus cov hauj lwm yuav ua ntxiv raug siv txhua lub sij hawm nyob hauv cov lus peb sib tuav xam, thiab kev sib tham tias lub Koom Txoos yuav siv Vaj Qhia Paj Lug 5 thiab Paj Lug 6 cov lus. Cov tub koom tes hauv lub rooj ncauj lus xav tias yog ib qho xwm yeem thiab yog qhia kev ntseeg zaum tim 2 ntawm Vas Tis Kas. Vaj Qhia cov lus tom qab lub rooj sab laj, raug siv ua kev txhim kho thiab zoo txhawb nqa kawg nkaus.
Vaj Qhia Zam Paj Lug 2 cov lus qhia uas tsis qaug zog hais txog kev tshaj lub Moo Zoo raws tus piv txwv tshiab, tau txeem mus cov neeg ntseeg nyob thoob ntiaj teb nruab siab lawm. Tab sis raws kuv txoj kev xav lo lus no muaj lub ntsiab tob heev, thaum peb xav txog yam peb tau nyeem nyob hauv cov hauj lwm yuav ua ntxiv mus. Pom tias ntau zaus lub Koom Txoos ua kom nws cov hauj lwm mus tau ncaj ncees hauv zej zog thiab txhim kho kev lag luam, kev tseev tsim ntawm cov neeg pluag txom nyem. Cov lus hauv cov hauj lwm yuav ua ntxiv mus, tsis tau hais txog kev txhaum, txiaj ntsig, kev daws txhaum, ntoo cuam, kev sawv rov qab los thiab kev cawm.
Ces qhov no yog qhov txaus ntshai tiag tiag. Vim qhov tseeb lub hom phiaj ntawm lub Koom Txoos yog tshaj txog Yes Xus kev sawv rov los thiab ua kom neeg los nyob hauv Yes Xus txoj kev kav. Kev ua Thwj Tim no muaj qhov cuam tshuam txog peb kev ua lub neej nyob ntiaj teb no. Nws tsim nyog coj peb ua hauj lwm rau kev ncaj ncees, tab sis peb yuav teeb qhov tseem ceeb ntawm peb kom yog. Yam uas nyob siab dua txhua yam tsis tsim nyog rhuav tshem txhua yam. Tab sis tsim nyog yuav hloov txoj kab ntawm txhua yam nyob hauv kev sib raug zoo thiab hloov txoj kab ntawm qhov siab tshaj txhua yam.
Qhov kawg uas kuv ntsia pom tias kuv tsis pom zoo txog kev tshaj tsab ntawv kawg ntawm Frank disagreement, hais txog kev txhim kho txoj kev sib deev ntawm poj niam thiab txiv neej. Cov lus cev txog kev vam meej ua kev nkag siab hauv peb kev tshawb fawb, yuav tsum muaj kev rov qab xav txog kev qhia poj niam thiab txiv neej dua tshiab. Nws yog qhov nyuab uas yuav ua kev nkag siab txog tib neeg kev sib deev. Thawj yam uas kuv ntsia pom meej yog nws saib tsis taus tej kab lis kev cai ntawm Kav Tos Liv. Piv txwv qhov tseem ceeb ntawm Vaj Qhia Zam Paj Lug Ob lub cev uas raug txhim kho, nws hais txog muaj ntau txheej. Muaj kev txawj ntse thiab muaj qhov kev ntxhov uas suav tsis tau ntawm tib neeg kev siv deev, nws yog yam tsis muaj qab hau. Qhov tob tshaj ntawd, yog kev sib cav uas muaj qab hau ntawm kev yuam kev hauv pab pawg. Yog kev vam meej hauv kev tshawb fawb, yuav tsum muaj kev qhia txog kev ncaj ncees. Piv txwv li kev sib deev, kev txhim kho tib neeg thiab tshuaj, tej zaum nws yuav pab kom peb nkag siab txog lub tswv yim thiab lub cev ntawm lub zog rub peb ntau dua qub. Tab sis txhua yam no tsis tau qhia peb tias tus yam ntxwv kev sib deev yog los tsis yog. Lo lus no muaj qhov ntxim siab nyob hauv lub ntsiab lus sib tham dua ib yam. Yog qhov txaus txhawj uas pom tias qee leej tub koom tes nyob hauv lub rooj sab laj cov Tswv Qhia Zes Mas Nias, tab tom siv cov lus hauv tsab ntawv uas sau tshiab los ua pov thawj txog kev qhia kev sib deev ntawm lub Koom Txoos. Hais txog ntawm kuv, mas saib zoo li kuv yuav tiv zaj no tas li. Qhov zoo tshaj hauv lub rooj sab laj loj, yog kev tau sib ntsib thiab nyob ze nrog cov thawj coj Kav Tos Liv nyob thoob ntiaj teb. Hauv tej pab pawg me me ntawm kuv thiab lub caij so haus kob swm tshuaj los yog kas fes. Kuv tau ntsib Tswv Qhia thiab Leyty tuaj ntawm Fis Lis Pees teb, Is Ntos Nes Xias, Mas Les Xias, Lis Thuas Nias, Hooj Koos, Zes Mas Nias, Kas Nas Das, Mev Xis Kos, As Zees Tis Nas, Aus Rias, Aus Thas Lias thiab lwm cov teb chaws tuaj coob leej.
Kev siv 4 lub lis piam nyob Los Mas, yog lub sij hawm tshwj xeeb uas tsis muaj dab tsi yuav zoo cuag kev tau nyob ze cov neeg ntseeg hauv Yes Xus lub Koom Txoos. Thiab tsis hais koj nyiam los tsis nyiam kuj xij, kev sib ntsib li no yuav hloov koj, yuam kom koj pom tias yav tom ntej ntawm koj thiab txhua yam ntawm koj yog ib qho nyob hauv ntau ntau yam kev xav thiab kev paub. Tas txhua yam no hauv lub rooj sab laj loj yuav pib cog nyob hauv lub Koom Txoos lub siab rau lwm xyoo.
Kuv thov caw peb sawv daws sib pab thov Ntuj pub rau cov hauj lwm uas cov tub koom tes tab tom ua thiab yuav ua nyob Vas Tis Kas lwm xyoo
