Vaj Qhia Fas Ntshis Kus tsa 4 tug Tswv Qhia Liab neeg As Xias nyob hauv 21 tug Tswv Qhia Liab uas nyuam qhuav tau txais lub Cim ua Tswv Qhia tsis ntev no.
Vaj Qhia Fas Ntshis Kus tsa 4 tug Tswv Qhia Liab neeg As Xias nyob hauv 21 tug Tswv Qhia Liab uas nyuam qhuav tau txais lub Cim ua Tswv Qhia tsis ntev no.
Vaj Qhia Fas Ntshis Kus tau tsa 21 tug Tswv Qhia Liab, tab sis nyob hauv 21 tus Tswv Qhia Liab no muaj 4 leeg yog nyob hauv lub Koom Txoos As Xias. Cov tau txais ua Tswv Qhia Liab yog cov sawv cev ntawm lub Koom Txoos nyob As Xias. Yog hais txog cov hauj lwm ntiaj teb ntawm lub Koom Txoos Kav Tos Liv. 4 tug Tswv Qhia Liab nyob As Xias teb xws li :
1. Tswv Qhia Tarcisio Isao Kikuchi uas nyob Zis Pees teb.
Tswv Qhia Tarcisio Isao Kikuchi yog ib tug tub koom tes ntawm pab Txiv Plig lub Moo Zoo Ntshiab (SVD) thiab luag qhuas tias nws muab siab rau txog cov neeg tsis muaj lub zoo caij, thiab muab siab rau txhawb nqa kev sib tham hauv cov kev teev hawm. Tswv Qhia Kikuchi yog tus muab siab rau txhawb nqa kev thaj yeeb thiab kev ncaj ncees, nws lub luag hauj lwm tseem ceeb kawg nyob Zis Pees teb thiab nyob thoob ntiaj teb.
2. Tswv Qhia Pablo Virgilio Siongco David nyob Fis Lis Pees.
Tswv Qhia Pablo Virgilio David ntawm KaLookan yog tus tib neeg qhuas nws kawg nyob hauv lub Koom Txoos Fis Lis Pees. Yog qhov tib neeg paub nyob hauv kev muaj peev xwm tiv kev tsis ncaj ncees nyob hauv zej zog. Tswv Qhia David yog tus tab meeg txhawb nqa tib neeg kev ncaj ncees. Nws ua hauj lwm pab cov neeg pluag txom nyem thiab cov neeg raug tso tseg yam tsis paub nkees. Tsheej xeeb tshaj yog nws daws teeb meem kev pluag txom nyem thiab kev tsis sib luag nyob Fis Lis Pees teb.
3. Tswv Qhia Paskalis Bruno Syukur, O.F.M nyob Is Ntos Nes Xias teb.
Tswv Qhia Paskalis Bruno Syukur nyob Bogor yog tus Tswv Qhia Fas Ntshis Kus uas nto npe hais txog kev muab siab rau saib xyuas txhua yam nyob ib puag ncig, thiab txhawb nqa kev nrog lwm cov kev teev hawm nyob Is Ntos Nes Xias teb sib tham. Is Ntos Nes Xias teb yog lub teb chaws muaj cov Mawv Xim Lim coob tshaj. Tswv Qhia Syukur txhawb nqa kev thaj yeeb thiab nws hwm cov Plos Tes Tas thiab cov Mawv Xis Lim.
4. Yog tus Tswv Qhia Dominique Joseph Mathieu, O.F.M nyob Is Laas teb.
Tswv Qhia Dominique Joseph Mathieu yog tus Tswv Qhia nyob Tehran-Ispahan, Iran thiab nws yog ib tug Txiv Plig nyob hauv pab Txiv Plig Fas Ntshis Kus Conventual. Nws yog tus sau tej pawg Kav Tos Liv me me nyob hauv lub teb chaws uas tsoom pej xeem feem coob yog Mawv Xis Lim. Nws txoj hauj lwm yog muab siab rau hauv kev txhawb nqa kev nkag siab thiab sau sawv daws nyob ua ke thaj yeeb ntawm cov kev teev hawm. Nws cov hauj lwm ua kom pom txog kev muab siab rau ntawm lub Koom Txoos kom txhawb nqa tej pawg neeg ntseeg tsawg tsawg uas lawv tsis muaj zog. Txhawb nqa kev sib tham thiab ua tus choj txuas nrog txhua yam nyob ib puag ncig uas tsis zoo. Pab Consistory yuav ua hmoov tsuj xeeb rau hnub tim 8 lub 12 hlis xyoo 2024 nyob Vas Tis Kas. Yog ncaj rau hnub hwm Niam Mab Liab tus ntshiav huv. Yog ib hnub uas tseem ceeb kawg nyob hauv lub Koom Txoos Kav Tos Liv.
