Lub Caij Hla nyob As Xias teb, nqhis txog Yes Xus kev sawv rov los.
Txij Mias Mas teb mus txog As Xias nrab, cov poj niam me nyuam thiab cov txiv neej coob leej suav tsis txheeb nyob As Xias teb. Yog cov tau txais kev mob siab thiab kev tsis ncaj ncees. Lawv quaj zoo li Mab Liab Mas Ntas Las uas tsis muaj Yes Xus thiab nws tus phooj ywg. Tab sis yog vim nws, ces lawv ntseeg tias tus sawv hauv cov tuag rov qab los tau hloov lawv lub neej. Thiab ua kom lawv cia siab tias lub zog ntawm kev zoo yuav yeej lub zog hauv kev phem tau.
Cov neeg As Xias lawv nrhiav kev rov yug los dua tshiab, thiab kuv lub tswv yim yog xav mus rau tsoom pej xeem Mias Mas. Tshwj xeeb tshaj yog cov tau txais kev kub ntxhov los ntawm av qeeg tom qab lub khaub lig cua cyclone tsaib no. Thiab cov ntsib tsov rog ntawm cov tub rog uas rov tua lawv cov pej xeem nyob Suav teb. Cov neeg ntseeg raug txwv nruj kawg hais txog kev ua lawv tej kab ke. Yog tias tseem hwv pub kev thaj yeeb rau lawv me ntsis, mas yuav tuaj yeem zam tau tej teeb meem ntawd. Hooj Koos tseem tab tom tawm tsam txog txoj cai ruaj ntseg hauv lub teb chaws uas tau kaw neeg ntau txhiab leej, vim lawv xav tau kev muaj vaj huam sib luag. Coob leej lawv ua kwv ua tij nyob hauv txoj kev ntseeg. Nyob Thais Vas muaj kev txhawj xeeb tias lawv txoj kev noj qab nyob zoo, yuav raug Pej Ceeb tso hem thawj.
Nyob GAZA uas yog lub nroog nyob sib ze, kev tua neeg saib zoo li tsis muaj hnub tag thiab tseem muaj ntxiv mus tas zog. Kev phem uas tsis muaj laij thawj, cog nyob hauv kev ntxub ntxaug tsis muaj hnub kawg los ntau tiam neeg.
Yes Xus kev sawv rov los, yog kev pauv ntxeev tseeb tiag thiab yog qhov hloov neeg lub neej. Ua kom peb cia siab tias lub zog ntawm kev ua zoo, yeej lub zog ntawm kev phem thiab txoj sia yeej kev tuag.
