Zaj nyeem hnub tim 9 lub 4 hlis 2026 (Hnub Tsib, Thawj lub Lis Piam hauv lub caij Hla)

Zaj nyeem hnub tim 9 lub 4 hlis 2026

Hnub Tsib, Thawj lub Lis Piam hauv lub caij Hla

Cov lus nyob hauv Lus Kas Ntawv Moo Zoo (LK 24: 35-48)

            Kwv tij sawv daws, ob tug thwj tim uas tab tom taug kev mus tim lub zos Es Mas Ws. Nkawd zeem Huab Tais Yes Xus tsis tau lub caij thaum tab tom taug kev, tab txawm thaum nkawd hnov Yes Xus cov lus qhia ua rau nkawd lub siab kub lug, tiam sis, nkawd yeej zeem tsis tau Yes Xus li. Tiam sis, nkawd zeem tau thaum Huab Tais Yes Xus ntais lub ncuav mov. 

Nyob rau hauv zaj no Leej Ntshiab Lus Kas tau hais meej txog qhov ob tus thwj tim zeem tau Huab Tais Yes Xus thaum nws ntais lub ncuav mov. Lus Kav xav qhia kom peb nco ntsoov txog Huab Tais txoj kev nyiam kev hlub, kev sib faib noj sib faib haus, lub caij thaum Huab Tais Yes Xus tseem nrog lawv nyob, nws ib txwm ua li ntawd, cov thwj tim thiaj khaws Huab Tais tus yam ntxwv uas nws ntais lub ncuav mov faib rau sawv daws noj. Qhov no qhia tau tias, tab yog peb txawm siv zog qhia npaum twg, siv zog tshaj txog Yes Xus lub Moo Zoo, tab sis yog peb tsis txawj sib nyiam sib hlub, xws li Huab Tais tau nyiam tau hlub peb, ces peb cov lus yeej tsis muaj nuj nqis dab tsi rau luag. Li ntawd, thov kom peb nco ntsoov tias, kev uas luag yuav mloog yus tsis yog los ntawm yus lub ncauj, tiam sis, yog los ntawm yus tus yeeb yam thiab. Nyob zoo.