ZAJ NYEEM HNUB TIM 9 LUB 12 HLIS 2025
HNUB NCO TXOG LEEJ NTSHIAB DIAS NKAUS
COV LUS NYOB HAUV MAS TAIS NTAWV MOO ZOO (MT 18: 12-14)
Kwv tij sawv daws, nyob rau hauv zaj no Huab Tais Yes Xus piav ib zaj paj lug txog tus yaj poob zoo. Huab Tais Yes Xus hais zaj no yog nws xav qhia peb tias, Huab Tais Tswv Ntuj hlub peb sawv daws, thiab nws tsis xav kom peb ib tug yuam kev, los yog poob rau hauv txoj kev txhaum, tsis cav cia peb poob rau hauv lub qhov tuag, nws xav cawm peb sawv daws kom dim.
Peb yeej pom tias nyob rau tiam neeg no, tseem tshuav cov neeg txom nyeem coob leej uas lawv zoo li cov yaj tsis muaj tsw, uas lawv tos ntsoov tus tuaj cawm lawv thiab pab kom lawv dim ntawm lawv txoj kev txom nyem.
Yog li ntawd, peb yuav tsum sib pab mus nrhiav cov yaj poob zoo ntawd, peb yuav tsum khuv leej cov neeg uas raug txom nyem, thiab coj lawv los cuag tus Tswv. Kom lawv tau daws lawv txoj kev tshaib nqhis.
