ZAJ NYEEM HNUB TIM 3 LUB 10 HLI 2025
HNUB RAU, LIS PIAM 26 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 10: 13-16)
Thaum hais txog Huab Tais Yes Xus, peb yuav xav txog tus neeg siab dawb siab zoo thiab txawj hlub luag tej, yog tus Zoo Tswv Zoo Yaj, uas yuav pab tiv thaiv nws pab yaj kom dim ntawm kev phem kev tsis zoo. Vim qhov nws txawj tiv thaiv saib xyuas nws pawg neeg, mas Huab Tais Yes Xus thiaj zoo yam li tus kws kho mob thiab. Yog li ntawd, muaj qee zaus nws thiaj txhib peb nruj, vim muaj qee yam mob yuav tsum siv hom tshuaj hnyav me ntsis, qee yam mob sab ntsuj plig yuav tsum siv zog ntuas lawv thiaj hnov. Yam li cov neeg Kos Las Ntxis, cov neeg Npes Xais Das thiab cov neeg hauv Kas Fas Naus, Huab Tais Yes Xus tsis muaj lwm txoj hau kev yuav pab tau lawv, lawv yuav tsum hloov lawv lub siab thiab tig los yuav siab tshiab xwb mas lawv thiaj dim, lawv yuav tsum tso lawv tej kev ua phem ua txhaum tseg, thiab lawv yuav tsum tig los nrhiav Huab Tais Tswv Ntuj, tig los mloog Huab Tais lo lus qhia.
Yog lawv tseem ua neeg muab hlob thiab lawv tseem xav tias lawv zoo tshaj lawm, lawv coj ncaj lawm, lawv tsis vam txog Tswv Ntuj lub txiaj ntsim mas lawv kawg raug kev puas tsuaj xwb.
Nyob zoo sawv daws.
