ZAJ NYEEM HNUB TIM 29 LUB 4 HLIS, HNUB NCO TXOG LEEJ NTSHIAB KAS TAS LIS NAS NYOB XIS AS NAS
COV LUS NYOB HAUV ZAM NTAWV MOO ZOO (Z 14: 21-26)
Cov kwv tij Hmoob, hnub no Huab Tais Yes Xus hais ntau zaus txog ‘tus nyiam Huab Tais Yes Xus’ tias “Tus nyiam kuv, mas nws muaj kuv cov lus qhia thiab nws coj rawv kuv cov lus qhia. Kuv thiab kuv Txiv yuav nyiam nws thiab.”
Yog li peb cov Kav Tos Liv thiaj tsis hais tias ‘kuv ntseeg’ xwb ces txaus lawm. Tab sis thaum peb ntseeg lawm, peb yuav niaj hnub mloog Huab Tais Yes Xus lo lus thiab khaws coj mus ua raws thiab.
Vim peb yog tib neeg mas peb lub tswv yim tsis duav Tswv Ntuj lub tswv yim, niaj hnub peb mloog tab sis zoo li peb tsis to taub zoo txog Huab Tais Yes Xus lo lus, yog li mas Huab Tais Yes Xus thiaj xa Leej Ntuj Plig Ntshiab tuaj tsom kev kaj rau peb lub tswv yim. Li ntawd, niaj hnub ua ntej yuav mloog los yog yuav nyeem phau Ntawv Ntshiab, peb thiaj hu txog Leej Ntuj Plig Ntshiab ua ntej.
Peb ua li Huab Tais Yes Xus cov lus qhia, mas peb thiaj muaj Tswv Ntuj nyob hauv peb, peb thiaj npuab tau Tswv Ntuj.
