ZAJ NYEEM HNUB TIM 26 LUB 9 HLI 2025
HNUB NCO TXOG LEEJ NTSHIAB KOS MAS THIAB DAS MIS NOS
COV LUS NYOB HAUV LUS KAS NTAWV MOO ZOO (LK 9: 18-22)
Kwv tij sawv daws, nyob rau zaj no, yog Huab Tais Yes Xus qhia thawj zaug tias, Neeg Leej Tub yuav raug txom nyem loj. Cov txwj laus, cov Thawj Leej Choj, thiab cov Kwv Ntawv Ntshiab yuav muab nws xyeeb pov tseg. Nws yuav raug luag tua tab sis, hnub peb nws yuav sawv rov los.
Lub caij ntawd cov thwj tim tsis to taub dab tsi, lawv zoo li cov me nyuam yaus uas lam raws tus laus kev xwb, tab sis lub sij hawm maj mam ua rau lawv nkag siab txog Huab Tais Yes Xus cov hauj lwm, ces lawv maj mam loj hlob tuaj nyob rau hauv txoj kev ntseeg, thaum lawv loj hlob tiav lawv, lawv muaj lub siab ntseeg ruaj khov, ces lawv tawm mus tshaj lub Moo Zoo rau ntiaj teb neeg sawv daws.
Niaj hnub no, peb tsoom ntseeg sawv daws kuj zoo ib yam li ntawd, ib txhia kuj to taub txoj kev ntseeg, ib txhia tseem tsis to taub. Li ntawd, peb yuav lees tias peb yeej nkag siab Tswv Ntuj cov lus tsis tas, peb yeej tsis paub txog Tswv Ntuj lub siab nyiam, tiam sis, yog peb nquag mloog Yes xus lub Moo Zoo thiab peb xyaum coj raws lub Moo Zoo qhia nyob rau hauv peb lub neej, ces peb ntseeg tias ib hnub twg peb yuav loj hlob tuaj thiab ruaj khov txog peb txoj kev ntseeg, peb yuav ua tau Huab Tais Yes Xus ib tug thwj tim zoo.
Nyob zoo sawv daws.
