ZAJ NYEEM HNUB TIM 26 LUB 6 HLI 2026
HNUB RAU, LIS PIAM 12 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 8: 1-4)
Kwv tij Hmoob, nyob ntawm Huab Tais Yes Xus, mas nws zoo siab pab ntiaj teb neeg sawv daws raws li sawv daws lub siab ntshaw. Tab sis tus yuav txais tau Huab Tais Yes Xus txoj kev pab, mas yog tus txaus siab thiab qhib siab cia Huab Tais Yes Xus los ua tus pab nws xws li hnub no tus mob ruas tuaj cuag Huab Tais Yes Xus, nws hais tias “Huab Tais, yog koj xav, mas koj ua tau kom kuv rov huv tuaj.”
Nyob hauv peb, mas peb yuav ua zoo li tus mob ruas, peb thov Huab Tais Yes Xus pab peb thiab ruaj siab rau Huab Tais Yes Xus lub hwj chim. Tab txawm tias peb tsis tau raws li thov, los peb tseem tso siab mus li.
Huab Tais Yes Xus hais rau tus mob ruas kom nws mus thws nws lub cev rau cov Leej Choj saib thiab cev txim raws li txoj cai txiav. Qhov no kuj yog Huab Tais Yes Xus xav qhia peb kom paub ua neeg hwm txoj cai. Peb paub tias tus loj tshaj yog Tswv Ntuj yog Huab Tais Yes Xus, tab sis peb kuj yuav tsum paub tias tus pub txoj cairau ntiaj teb kuj yog Tswv Ntuj. Txoj cai pab kom neeg nyob muaj quab muaj qig, yog peb tsis ua raws, mas lub sawm fem kawg ntxhov xwb, ces sawv daws yuav nyob haum xeeb ua ke tsis tau.
Nyob zoo sawv daws.
