Zaj nyeem hnub tim 26 lub 2 hlis 2026
Hnub Tsib, Lis Piam 1 caij Plaub Caug
Cov lus nyob hauv Mas Tais Ntawv Moo Zoo (MT 7: 7-12)
Kwv tij sawv daws, Huab Tais Yes Xus qhia kom peb nquag teev Ntuj thiab thov Ntuj pab peb tas zog, vim Huab Tais Ntuj mloog peb cov lus thov thiab nws yeej yuav pub rau peb raws li qhov peb thov. Nws tseem pub ntau tshaj thiab zoo tshaj qhov peb thov rau peb, yog peb thov tej yam zoo thiab tsim nyog mas nws yeej pub xwb. Tiam sis, yog tej yam uas yog nws pub rau peb, yuav ua rau peb lub neej nrug deb ntawm Tswv Ntuj mas Tswv Ntuj kuj tsis xav pub thiab. Txawm li cas los xij peb tsoom ntseeg yuav txawj tso siab rau peb tus Huab Tais Tswv Ntuj mus li, vim nws yog peb qhov chaw vam khom, thov Tswv Ntuj foom koob hmoov pub rau peb sawv daws. Nyob zoo sawv daws.
