ZAJ NYEEM HNUB TIM 25 LUB 9 HLI 2025
HNUB TSIB, LIS PIAM 25 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 9: 7-9)
Kwv tij sawv daws, Hes Los tus yam ntxwv kuj zoo ib yam li coob leej uas nyob rau hauv Huab Tais Yes Xus tiam neeg, uas thaum lawv tau hnov Yes Xus lub moo, ua rau lawv xav ntsib Huab Tais Yes Xus thiab xav pom Huab Tais lub hwj huam, vim Yes Xus cov lus qhuab qhia yog ib co lus qhuab qhia txawv neeg ntiaj teb.
Nyob rau tiam neej no, coob leej thaum tau hnov txog Huab Tais Yes Xus lub moo zoo, kuj xav ntsib xav pom Huab Tais Yes Xus. Yog tias, peb xav ntsib xav pom Huab Tais Yes Xus, peb yuav ntsib nws nyob rau qhov twg?
Ces lo lus teb kuj yog tias, peb yuav ntsib Huab Tais Yes Xus nyob rau hauv Huab Tais Yes Xus lub Koom Txoos, uas yog tsoom ntseeg sawv daws. Peb yuav pom Huab Tais Yes Xus tus yam ntxwv nyob rau hauv Huab Tais Yes Xus tsoom thwj tim, peb yuav hnov Huab Tais Yes Xus cov lus qhia, nyob rau hauv Huab Tais Yes Xus lub Moo Zoo, peb yuav pom Huab Tais Yes Xus lub hwj huam nyob rau hauv peb lub neej thaum peb muaj lub siab ntseeg.
Nyob zoo sawv daws.
