ZAJ NYEEM HNUB TIM 23 LUB 6 HLI 2026
HNUB PEB, LIS PIAM 12 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 7: 6, 12-14)
Kwv tij Hmoob, nyob hauv lub Moo Zoo hnub no peb hnov Huab Tais Yes Xus hais txog 3 yam los ntuas peb.
1. Huab Tais Yes Xus hais txhob muab tej yam ntshiab pub dev noj, txhob muab nej cov hlaws npliag deg tso ze ntawm npua xub ntiag. Lo lus no txhais tias peb tsis txhob muab tej yam ntshiab thiab muaj nqis rau cov neeg tsis tsim nyog yuav tau txais thiab tsis pom tus nqi ntawm yam peb muab. Tej yam ntshiab thiab muaj nqis ntawd yog Tswv Ntuj lo lus qhia txog Tswv Ntuj lub Ceeb Tsheej. Tus neeg twg tsis xav paub txog Tswv Ntuj lub Ceeb Tsheej, tus neeg twg tsis quav ntsej txog Tswv Ntuj lub Ceeb Tsheej, mas peb txhob muab sij hawm ntau rau, kawg nkim zim txwv xwb.
2. Huab Tais Yes Xus hais tias yog peb xav kom luag ua zoo li cas rau peb, mas peb yuav xub ua li ntawd rau lawv. Nqe no tsis yog kom peb ua qhov phem tsis zoo rau luag, tab sis yog kom peb ua tus neeg xub pub qhov zoo rau sawv daws. Tab txawm tus ntawd yog yeeb ncuab niaj hnub ua phem rau peb, los yog peb niaj hnub ua zoo rau nws, mas muaj ib hnub nws lub siab yeej yuav muag, ces nws yuav pib hloov los ua peb ib tug phooj ywg xwb.
3. Huab Tais Yes Xus hais kom peb xaiv mus hauv lub qhov rooj nqaim. Qhov rooj nqaim yog dab tsi? Yog lub neej txom nyem rau peb sab ntsuj plig, ces peb yuav ua tiag nyiaj ua tiag txeem hla kom dhau. Lub neej txom nyem sab ntsuj plig, yam li lub neej tsis ua ywj siab, lub neej tsis xaiv taug ntiaj teb txoj kev ntxias. Yam li lub zim txwv no, peb pom ib txhia neeg xav tau hauj lwm zoo ua, ces lawv muab nyiaj xiab kom tau hauj lwm; peb xaiv lub qhov rooj nqaim, mas peb tsis xiab nyiaj rau tab sis peb muab rab peev xwm ua, tau tsis tau los nyob ntawm Tswv Ntuj pom zoo.
Kwv tij Hmoob, hnub no peb khaws Huab
