ZAJ NYEEM HNUB TIM 2 LUB 10 HLI 2025
HNUB NCO TXOG COV TSHIAB POV HWM
COV LUS NYOB HAUV MAS TAIS NTAWV MOO ZOO (MT 18: 1-5, 10)
Kwv tij sawv daws, neeg ntiaj teb ntsia tias neeg lub meej mom uas luag tej saib yus muaj nqis, yog los ntawm cov hauj lwm uas yus ua. Nyob rau lub ntuj nyem no sawv daws sib tw khwv nyiaj khwv txiaj, mas leej twg muaj nyiam, luag thiaj saib tus ntawd muaj nuj nqis, hos tus twg ua lub neej txom txom nyem mas luag tej pheej hais lus saib tsis tau nws. Tab sis, nyob rau hauv qhov tseeb, neeg sawv daws yeej muaj meej mom ib yam nkaus, sawv daws muaj nuj nqis ib yam, txij li thaum nws yug los ua neeg, ces nws yeej tau txais lub meej mom li neeg lawm, nws yeej muaj nuj nqis lawm, vim nws yog neeg, nws zoo tshaj tej tsiaj txhu.
Neeg feem coob muab lub cev ntaj ntsug thiab nws lub cuab yeej cuab tam los saib hlob, tiam sis, Tswv Ntuj saib txoj kev zoo ntawm tib neeg tus xeeb ceem. Tswv Ntuj pub lub meej mom rau sawv daws sib npaug, Tswv Ntuj nyiam sawv daws sib npaug, tiam sis tus coj zoo thiab ua zoo, mas Tswv Ntuj saib tus ntawd rau nqi dua cov, Tswv Ntuj saib xyuas tus neeg zoo, nws cia nws ib co Tshiabpov hwm neeg los nrog saib xyuas tsom kwm neeg. Tus twg yim coj raws li lub Moo Zoo qhia, mas Tswv Ntuj yim nyiam nws tshaj, thiab tso Tswv Ntuj cov Tshiab pov hwm saib xyuas nws zoo tshaj cov.
Li ntawd, thov kom peb txhob me siab tias peb coj zoo tiam sis tsis tau zoo, peb yuav tsum muaj kev tso siab rau Tswv Ntuj, vim Tswv Ntuj yeej hlub peb thiab saib xyuas peb zoo tshaj, nws yuav tsis pub tus neeg zoo poob rau hauv qhov phem.
Nyob zoo sawv daws.
