Hnub Peb tim 18 lub 2 hlis.
Yog tias Yes Xus yog tus ua tiag tiag rau ib tug neeg twg, mas peb kheev kheev poob nyob hauv txoj kev muab siab rau thiab ua xyem xyav txog qee yam hauv peb lub neej. Piv txwv li muaj ntau yam xav tau nyob hauv peb, xws li xav tau ntawm lub cev ntaj ntsug, lub tswv yim thiab kev xav tau ntawm fab ntsuj plig. Kev ntseeg Kav Tos Liv hais txog tej kev xav tau no muaj ntau yam thiab yog qhov yuam kev uas xav tias kev ntseeg yog hais txog tus ntsuj plig xwb. Txawm li cas kuj xij, peb siv lub sij hawm feem ntau hauv peb lub neej mus rau tej kev nyiam ntawm peb lub cev ntaj ntsuag thiab lub siab ntshaw, peb tsis tau xav txog tej kev xav tau tiag tiag uas nyob hauv fab ntsuj plig. Li ntawd, peb thiaj saib thiab tu peb lub cev nrog tej txhiam xws noj zoo heev. Peb nrhiav kev txaus siab hauv peb txoj kev xav thiab kev txij nkawm xwb. Peb tsis tuaj yeem nkag siab txog tej kev xav tau uas yog peb lub hom phiaj ntawm lub neej.
Nyob hauv tsab ntawv Moo Zoo hnub no, Yes Xus qhuab qhia nws cov Thwj Tim kom txhob poob hauv kev ua txhaum, hauv lawv tej kev xav uas yog cov Fas Lis Xais zaj tswv yim, Hes Los zaj tswv yim los yog lub ntiaj teb zim txwv no zaj tswv yim.
