Lo lus hauv lub neej, lub 12 hlis 2025.
Npoo ntuj npoo ntiaj teb pom peb tus Tswv Ntuj txoj kev cawm.
(His Xais 52 : 10)
Thaum lawv raug ntiab mus nyob txim nyob Npas Npis Los, mas cov His Xas Lais poob tag txhua yam. Dej a, kev ua vaj, tsev teev Ntuj thiab lub sij hawm yuav teev Tswv Ntuj uas yog tus coj lawv tawm ntawm Hais Nkws Tos teb yav tag los. Tab sis lub suab ntawm tus Yaj Saub tseem tshaj tias lawv yuav tau rov mus lawv teb chaws ib zaug ntxiv. Tswv Ntuj lub zog yuav tuaj cuam tshuam thiab coj cov His Xas Lais hla teb chaws suab puam mus txog Yes Lus Xas Les. Thiab tas ib tsoom neeg nyob thoob ntiaj teb yuav pom cov xwm txheej tseem ceeb no.
Npoo ntuj npoo ntiaj teb pom peb tus Tswv Ntuj txoj kev cawm.
Hnub no kuj zoo ib yam, cov xwm txaus ntshai kuj tshwm sim tuaj kom pom tas nrho. Tas ib tsoom neeg tsis muaj hauj lwm, kev noj qab haus huv, kev ruaj khov thiab lub meej mom. Cov tub ntxhais hluas lub neej yav tom ntej poob nyob hauv kev txhawj xeeb, vim tsov rog thiab kev pluag txom nyem los ntawm huab cua pauv ntxeev. Huab cua pauv ntxeev tab tom coj kev thaj yeeb thiab lub meej mom ntawm lawv mus. Kev piam sij thoob ntiaj teb no, ua rau peb txoj sia yuav luag tu. Cia peb nyob hauv tauv huab tsaus. Leej twg yuav txuag peb ntawm kev rhuav tshem hauv txhua yam peb muaj. Saib zoo li kev cia siab tsis muaj qab hau. Txawm li ntawd tsis kav cov Yaj Saub tej lus tshaj kuj tseem tuaj txog peb.
Npoo ntuj npoo ntiaj teb pom peb tus Tswv Ntuj txoj kev cawm.
Tswv Ntuj lo lus qhia txog kev ua ntawm nws nyob hauv lub keeb ntiag tug thiab peb cov liv xwm. Nws thov peb rua muag kom pom lub Cim hauv nws txoj kev cawm, uas tab tom ua nyob hauv ntau txoj kev. Yuav pom tau nyob hauv tus Xib Hwb txoj kev muab siab rau, kev ncaj ncees ntawm cov tub lag tub luam, kev ncaj ncees ntawm cov thawj coj, kev ncaj ncees ntawm cov txij nkawm, hauv cov me nyuam lub xub ntiag, kev mos nyoos ntawm cov kws kho mob, kev uv ntawm niam pog, kev muaj peev xwm hauv cov neeg tiv kev tua neeg thiab kev tos txais ntawm tsoom neeg ntseeg.
Npoo ntuj npoo ntiaj teb pom peb tus Tswv Ntuj txoj kev cawm.
Lub Caij Yes Xus Yug Los tab tom los yuav txog, kev ua tiag nyiaj thiab kev khuv leej ntawm Tswv Ntuj hauv neeg lub keeb, rov raug nthuav tawm dua nyob hauv Yes Xus tus ntshiab huv. Peb yuav zeem tseeb txog yam no nyob hauv peb txoj kev xaiv, tej zaum nws yuav txawv dua txhua yam hauv zej zog zim txwv no. Hauv lub ntiaj teb uas saib zoo li raug qee yam npog thiab muab hlob, uas yog kev sib tawg thiab cov neeg muaj zog lub hwj chim kav peb. Lo lus teb yog kev nyiam tus txheeb ze. Nov yog lub tshuaj yuav muab los kho kom zoo. Nws zoo li nthwv cua sov nyob saum Ntuj uas raug cua tshuab mus, thiab maj mam pauv ntxeev zej zog txoj kev sib raug zoo ntawm tib neeg mus rau lwm pab neeg.
Zoo ib yam li cov His Xas Lais pib tawm rooj nyob hauv ib lub caij twg. Nov yog lub caij peb tus kheej yuav tawm rooj kom tau ntsib kev txhawj xeeb thiab kev nyob sib ze. Tsis hais cov tub ntxhais hluas los cov laus, cov neeg pluag txom nyem thiab cov tsiv teb tsaws chaw, cov poob hauj lwm thiab cov tsis muaj vaj tse. Cov neeg mob thiab cov neeg raug txim, peb yuav zeem tseeb txog Tswv Ntuj kev nyiam kev hlub rau lwm tus. Tej zaum nws yuav muaj ciaj ciam, xws li ciam av los yog txoj kab txiav uas mob los ntawm tsov rog. Tab sis tej zaum cov ciaj ciam no yuav yog kab lis kev cai thiab yog qhov nyob tau. Tab txawm yog cov neeg hauv Digital uas yog tsoom tub ntxhais hluas, kuj muaj feem cuam hauv kev pab kom yeej kev tawv ncauj, kev nyob ntsiag to thiab kev raug cais. Xws li Henry Bukulu uas nws yog neeg Koos Nkos lo lus sau tseg tias : “Oh, kev cia siab, thov mloog cua lub suab nrov thiab tag kis no tseem muaj kev cia siab.”
Npoo ntuj npoo ntiaj teb pom peb tus Tswv Ntuj txoj kev cawm.
