Zaj nyeem hnub tim 15 lub 4 hlis 2026
Hnub Plaub, Lis Piam 2 caij Hla
Cov lus nyob hauv Zam Ntawv Moo Zoo (Z 3: 16-21)
Kwv tij sawv daws, thov kom peb nco ntsoov Huab Tais Yes Xus lo lus tias, Tswv Ntuj nyiam lub qab ntuj neeg tshaj plaws, nws thiaj tuaj yeem muab nws Leej Tub twm zeej rau lub qab ntuj neeg, kom xwv tus ntseeg txog Leej Tub txhob tuag. Nqe lus no yog ib nqe lust seem ceeb, thiab yog lub ntsiab uas Huab Tais Yes Xus qhia tias vim li cas nws thiaj nqes los ua neeg. Yog vim nws hlub peb. Qhov tseem ceeb yog peb puas kam lees txais nws ua peb tus Tswv thiab ua peb tus Huab Tais. Yog peb lees txais Huab Tais los nyob hauv peb, peb yuav coj lub neej taug nyob hauv qhov pom kev, peb yuav ntxub kev txhaum. Hos yog tus tsis lees txais Huab Tais, nws yuav coj lub neej nyob hauv kev tsaus ntuj, thiab nws yuav ntxub qhov pom kev. Vim cov neeg nyiam ua phem lawv tsis nyiam tus neeg zoo, lawv tsis nyiam qhov pom kev. Li ntawd, nyem no Huab Tais qhov pom kev tuaj txog peb lawm, peb hloov siab sai mov. Peb kav tsij lees ntseeg, ces Huab Tais Yes Xus thiaj yuav cawm tau peb.
Nyob zoo sawv daws.
