As Zes Lias teb, As Nkos Las teb thiab Xyis Pas Yas teb yog cov teb chaws uas Vaj Qhia yuav mus tsham hauv xyoo 2026

Cov Tswv Qhia zeem tseeb tias Vaj Qhia Leo 14 npaj siab yuav mus tsham Africa thiab Aws Los Pas. Kev tshaj tawm kawg ntawm cov Tswv Qhia nyob As Nkos Las, As Zes Lias thiab Xyis Pas Yas hais meej tias ; Vaj Qhia Leo 14 yuav mus tsham cov teb chaws no nyob hauv xyoo no. Raws qhov tseeb, mas Vas Tis Kas yuav tshaj tawm txog Vaj Qhia kev tawm rooj ob peb lub hlis ua ntej los yog tsis pes tsawg lub lis piam. Tab sis tsis tau tshaj tawm txog lub hom phiaj ntawm Vaj Qhia kev tawm rooj xyoo 2026. Txawm li cas kuj xij, cov Tswv Qhia tej lus zeem tseeb txog cov lus Vaj Qhia hais hauv lub caij nws caij dav hlau mus rau Los Mas hnub tim 2 lub 12 hlis tsaib no.

Vaj Qhia hais tias : “Kuv vam thiab cia siab tias yuav tau mus tsham Aws Los Pas teb. Thiab qhov ntawd yog kuv txoj kev tawm rooj zaum tom ntej.” 

Vaj Qhia hais ntxiv tias : “Kuv vam tias yuav tau mus tsham Leej Ntshiab Aus Nkus Tis Nus qhov chaw As Zes Lias teb. Thiab txuas kev sib tham, kev tuam choj ntawm cov neeg ntseeg thiab cov Mawv Xis Lim.