Vauj ua kom pom txog qhov zoo nkauj hauv kev ntseeg, ntawm tsev neeg Nagombo

Cov hauj lwm no ua los ntawm lub tsev kawm ntawv Leej Ntshiab Nis Kos Las hauv lub nroog Munnakkara, nyob hauv Hnub Chiv. Ua los ntawm tej yam yooj yim uas sib lo ua ke ua tus duab Yes Xus, duab Niam Mab Liab thiab duab Leej Ntshiab. Yog lub sij hawm rov nrhiav pom kev sov siab nyob hauv lub neej ua neeg ntseeg dua. 

Txiv Plig Nishan hais tias : “Nov yog lub sij hawm tau chwv txog fab ntsuj plig thiab kev kaj siab ntawm tsev neeg uas sib koom ua ib tug nrog Tswv Ntuj.”

Kev tso Vauj ya, yog lub sij hawm zoo kawg. Uas yuav ua kom lub ntuj muaj qhov zoo nkauj nyob puv nkaus thiab yog qhov zoo nkauj ntawm kev ntseeg thaum muaj cov vauj ya nyob saum ru tsev. Kev tso vauj ya yog ua nyob hauv Hnub Chiv tim 17 lub 8 hli, nyob ntawm ntug dej hiav txwv Kudapaduwa. Ua kom cov neeg tuaj koom tau pom txog tej yam yooj yim, tab sis nws yog qhov chaw sov siab, thaum pom cov Vauj ya mus raws seem cua. Dhau ntawd lawm, hauv lub caij no cov me nyuam tsuas yog nyob nrog xov tooj, TV thiab electronic games xwb.

Txiv Plig Anton hais tias : “Kev sib tw tso Vauj, tsis yog qhov txawv nyob Xis Laas Kas teb. Txawm li cas kuj xij, yam uas Leej Ntshiab Nis Kos Las txhawb nqa ntawd nws txawv thiab tsis xws leej twg.”