Vaj Qhia tsis kam foom hmoov zoo rau cov txiv neej uas lawv rov qab sib yuav, thiab thov kom lub Koom Txoos muaj vaj huam sib luag
Cov Kav Tos Liv tau txais lus ceeb toom tias kev muaj vaj huam sib luag ntawm lub Koom Txoos, tsis phim yuav tsum nyob ntawm kev sib deev thiab yog qhov txhua tus zoo siab tos txais. Vaj Qhia Leo 14 hais cov lus no nyob hauv nws lub dav hlau hnub tim 23 lub 4 hlis no tias : “Lub Koom Txoos tsis pom zoo txog kev foom hmoov zoo rau cov txiv neej rov qab yuav txiv neej, thiab nws hais tias kev sib luag ntawm lub Koom Txoos tsis phim yuav nyob nrog kev sib deev thiab sawv daws lees txais nyob hauv lub Koom Txoos.” Vaj Qhia hais li no thaum nws hais txog ntau yam xov xwm nyob hauv lub dav hlau uas nws caij ntawm Equatorial Guinea mus rau Los Mas.
Hais txog lub meej mom ntawm cov neeg thoj nam, Vaj Qhia hwm txhua lub teb chaws txoj cai uas siv nyias txoj cai raws ciam teb. Thiab Vaj Qhia hais txog cov neeg thoj nam tias ; yog cov neeg uas tsis tsim nyog ua zoo li cov tsiaj. Vaj Qhia hais txog cov teb chaws nplua nuj tias ; kom lawv daws teeb meem ntawm cov neeg thoj nam, tsis yog tias yuav hais txog kev siv txoj cai raws ciam teb xwb.
Hais txog tsov rog nyob Is Laas teb, Vaj Qhia Leo 14 thov kom sawv daws muaj kev sib hais haum thiab txuag cov pej xeem dawb huv. Nws kuj hais txog tib neeg kev ncaj ncees uas piam sij nyob hauv ntsuj rog no thiab.
