Vaj Qhia Leo 14 thov kom cov thawj coj Peru txuag kev thaj yeeb nyob hauv lub neej niaj hnub.
Hnub tim 11 lub 11 hlis no Vaj Qhia tau hais rau cov nom tswv thiab cov tiam lis nyob Mas Nis Las, uas yog hais txog kev sib raug zoo ntawm nws thiab Peru teb. Vaj Qhia tau tshaj Ntuj Lus thiab ua Tswv Qhia nyob Peru teb tshaj 20 xyoo.
Cov lus no yog tshaj tawm raws li Vatican News.
Vaj Qhia hais tias : “Kev rov tuaj tsham zaum no yog qhov tshwj xeeb rau Tswv Ntuj.” Nws xav txog kev tos txais thiab kev ntseeg ntawm cov yim neeg Peru. Nws hais tias kev tau ntaub ntawv ua neeg Peru xyoo 2015, yog lub Cim ntawm kev sib raug zoo nrog lub teb chaws no. Vaj Qhia hais tias kev muaj vaj huam sib luag ntawm haiv neeg, tsim nyog yuav hwm ntau yam kab lis kev cai, kev muaj feem cuam hauv kev sib luag thiab kev koom tes txog qhov sib txawv hauv kev tseev tsim thiab zej zog.
Vaj Qhia thov kom cov thawj coj mloog neeg lub suab, tshwj xeeb tshaj yog cov raug tso pov tseg tsis muaj neeg quav ntsej txog. Thiab ua kom ntseeg tau tias kev thaj yeeb yuav rais ua qhov tseeb hauv cov tsev neeg lub neej niaj hnub.
Vaj Qhia hais tias : “Kev thaj yeeb yog hais txog kev ua hauj lwm tsis muaj kev ntshai, saib xyuas tej me tub me nyuam thiab rov mus tsev tau yam kaj siab lug.”
Vaj Qhia Leo 14 thov kom muaj kev saib xyuas kev noj qab haus huv, kev txhawb nqa rau cov neeg tsis muaj zoo caij, kev txuag txhua yam nyob ib puag ncig thiab kev txuag txoj cai hauv kev siv Technology yuam kev. Hais txog kev tsis sib haum xeeb hauv lub ntiaj teb, mas nws txhawb nqa cov tiam lis, txhawb nqa kev sib hais haum thiab hwm txhua lub teb chaws txoj cai. Nws rov zeem tseeb txog lub Koom Txoos kev muab siab rau uas nyob ib sab ntawm cov neeg pluag txom nyem thiab txhawb nqa sawv daws tej txiaj ntsim qab hau. Nws thov kom cov neeg Peru lees txais kev ua kwv ua tij.
