Vaj Qhia Fas Ntshis Kus hais tias kev sib koom tes ntawm cov neeg ntseeg yog kev mus kev ntawm Synod thiab yog tim khawv

Tas thawj coj hauv txhua pab neeg ntseeg tuaj sib koom nrog Vaj Qhia Fas Ntshis Kus nyob hauv Protomartyrs nyob Vas Tis Kas hnub 6 hauv lub lis piam thaum tsaus ntuj. Kom tau tsuj xeeb rau lub Koom Txoos thiab muaj ntau txhiab tus neeg ntseeg uas tuaj thoob ntiaj teb tuaj. Vim yog txwm Vas Tis Kas Ob lub hnub nyoog thiab pib txheej tshiab ntawm lub Koom Txoos nyob hauv hnub tim 11 lub 10 hli no. Tsis yog lam tau lam xav ua, hos yog hnub nco txog hnub tsa Vas Tis Kas Ob raug cai thiab nthuav qhia rau ntiaj teb paub nyob hauv 62 xyoo tag los. 

Raws li tus lwm thawj tswj Vas Tis Kas Ob hais, Synod zaum no tau pib txheej tshiab ntawm lub Koom Txoos. Synod tau ua tawm thiab ua tim khawv txog lub peev xwm uas yuav pab kom cov neeg ntseeg vam meej nyob hauv kev sib koom tes tiag tiag.

Hauv cov lus nthuav ntawv Moo Zoo, Vaj Qhia tau ua tib zoo xav txog kev sib koom tes thiab kev ua tim khawv ntawm cov neeg ntseeg. Nws lub tswv yim yog hais raws li Yes Xus cov lus tias : “Lub hwj huam uas koj muab rau kuv, mas kuv tau muab rau lawv lawm.” Vaj Qhia hais tias cov lus no siv tau nyob hauv cov neeg tuag ua tim khawv txog Yes Xus, ces lawv tau txais lub meej mom los ntawm Tswv Ntuj.