Ib tug Tswv Qhia Mas Les Xias hais nyob hauv lub thaj txi Ntuj nyob RVA tias: “Tsuas muaj Yes Xus xwb thiaj ua kom peb nyob twj lij tau.”
Hauv cov lus nthuav ntawv Moo Zoo, Tswv Qhia Ng hais tias; Yes Xus muab kev twj lij fab ntsuj plig thiab kho mob rau cov neeg ris nra hnyav hauv lawv lub neej. “Kev daws tso fab ntsuj plig ntawm nws, Yes Xus kuj daws tso nws lub cev kom nyob twj lij thiab.” Nws hais txog Yes Xus kev kho mob nyob hauv ntawv Moo Zoo. Nws piav tias ; kev ntseeg ntawm cov His Xas Lais, kev mob nkeeg kheev kheev yog los ntawm kev txhaum. Li ntawd, kev zam txhaum thiaj yog qhov yuav kho tus neeg ntawd lub siab ntsws thiab lub cev.
Tswv Qhia Ng hais tias: “Zim txwv no Yes Xus tseem pub kev twj lij rau peb. Tsis yog tias fab ntsuj pliag xwb, tab sis yog rau kev txom nyem hauv lub siab ntsws uas tuaj yeem ua rau neeg tsis muaj txoj sia nyob. Yes Xus xav daws tso peb ntawm txhua yam kev phem, kev txom nyem hauv lub neej, kev tsis txawj zam txhaum los tej kev chim siab uas peb muaj, nrog rau kev cib nyeej uas ua kom peb mag ntxiab hauv tej kev ntshai.” Tswv Qhia tau muab lo lus no los ua kom haum nrog cov neeg ntseeg tus yam ntxwv uas yog Tswv Ntuj Leej Tub. Nws hais tias ; Tswv Ntuj xav kom txhua tus tau txais kev cawm los ntawm Yes Xus.
Nws hais tias: “Tswv Ntuj tuaj kom tau pab txhua tus dim nyob hauv Yes Xus.”
Tswv Qhia Ng thov kom cov tuaj koom thaj txi Ntuj tos txais Yes Xus los nyob hauv lawv lub neej, thiab thov kom Yes Xus pab daws tso lawv ntawm txhua yam uas tsis pub lawv ua lub neej neeg ntseeg. Nws hais tias : “Thov qhib peb lub siab, qhib peb lub tswv yim thiab tso peb lub neej rau Yes Xus.” Hauv lub thaj txi Ntuj no, muaj cov Txiv Plig ntawm RVA tuaj koom lub thaj txi Ntuj thiab. Xws li Txiv Plig Felmar thiab Txiv Plig John Mi Shen. Kev mus tsham RVA hauv lub nroog Quezon City ntawm Tswv Qhia Ng zaum no, yog ib feem ntawm kev sib koom tes hauv lub Cheeb Koom Txoos Miri uas yog lub Koom Haum tshaj Ntuj Lus Kav Tos Liv nyob As Xias. Hauv kev tshaj lub Moo Zoo nyob hauv lub tshaj xo thiab nyob hauv Online, hnub tim 26 lub 10 hli no. RVA thiab lub Cheeb Koom Txoos tau cog lus ua kev nkag siab kom tau sib faib qee sob lus hauv kev ntseeg Kav Tos Liv, sib koom tsim cov ntsiab lus thiab kev qhuab qhia. Nrog rau kev tuav xam txog kev tshaj tawm ua xeem lus Mas Les Xias rau yav tom ntej.
