Tus Tswv Qhia nyob Tokyo hais tias : Vaj Qhia Leo 14 saib kev mloog yog qhov tseem ceeb thiab kev sab laj Synodality hauv kev tswj hwm
Cov thawj coj txheej siab hauv lub Koom Txoos Kav Tos Liv nyob Tokyo hais tias : Vaj Qhia Leo 14 tab tom nrhiav txoj kev tshiab hauv kev tswj hwm, tom qab Vaj Qhia Fas Ntshis Kus tiam. Nws muab kev mloog ua qhov tseem ceeb, kev sab laj ntawm Synodality thiab cov Tswv Qhia lub suab hauv lub Cheeb Koom Txoos. Hauv lub rooj sab laj tshwj xeeb rau cov Tswv Qhia uas npaj rau hnub tim 7-8 lub 1 hlis no nyob Vas Tis Kas. Hauv cov lus hais tom qab lub rooj sab laj, Tswv Qhia Kikuchi hais tias : lub rooj sab laj zaum no, yog kev muab siab rau ntawm Vaj Qhia uas yuav mloog cov Tswv Qhia nyob thoob ntiaj teb. Tshwj xeeb tshaj yog cov ua hauj lwm nyob hauv zej zog. Lub caij uas lub Koom Txoos nyob thoob ntiaj teb tab tom tuav xam txog qhov tseem fab qhia kev ntseeg. Kev sab laj tshwj xeeb ntawm cov Tswv Qhia zaum no, muaj cov Tswv Qhia Liab tuaj koom li ntawm 170 leej, ntawm tas cov Tswv Qhia Liav 245 leeg. Yog xam tas nrho cov uas muaj cai tawm suab thiab cov tsis muaj cai tawm suab huv tib si.
